|    May 25 Thu, 2017 9:54 pm
FLASH NEWS

പീഡനം: ആര്‍ജെഡി മുന്‍ എംഎല്‍എയ്ക്ക് എതിരേ കുറ്റം ചുമത്തി

Published : 7th June 2016 | Posted By: SMR

ലഖ്‌നോ: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ചെന്ന കേസില്‍ ആര്‍ജെഡി മുന്‍ എംഎല്‍എ രാജ് ബല്ലഭിനെതിരേ കോടതി കുറ്റം ചുമത്തി. പെണ്‍കുട്ടിയെ ബലാല്‍സംഗത്തിനിരയാക്കിയതിന് ഇന്ത്യന്‍ ശിക്ഷാനിയമം 376ാം വകുപ്പ് പ്രകാരവും കുട്ടികള്‍ക്കെതിരായ ലൈംഗികാതിക്രമങ്ങള്‍ തടയല്‍ (പോക്‌സോ) നിയമപ്രകാരവുമാണ് കുറ്റം ചുമത്തിയതെന്ന് നാളന്ദ അഡീഷണല്‍ സെഷന്‍സ് ജഡ്ജ് ശശിഭൂഷണ്‍ പ്രസാദ് സിങിന്റെ ഉത്തരവില്‍ പറയുന്നു.
ബല്ലഭിനെക്കൂടാതെ സുലേഖാ ദേവി, രാധാ ദേവി, തുസി ദേവി, ചോട്ടി കുമാരി, സന്ദീപ് എന്നീ പ്രതികളും കേസില്‍ കുറ്റക്കാരാണെന്ന് കോടതി വ്യക്തമാക്കി. ഈ വര്‍ഷം ഫെബ്രുവരി ആറിനായിരുന്നു കേസിനാസ്പദമായ സംഭവം നടന്നത്. കേസിനെത്തുടര്‍ന്ന് ആര്‍ജെഡി ഇയാളെ സസ്‌പെന്‍ഡ് ചെയ്തിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day