|    Jan 17 Tue, 2017 10:26 am
FLASH NEWS

പി സി ജോര്‍ജ് ഹൈക്കോടതിയില്‍ ഹരജി നല്‍കി

Published : 10th December 2015 | Posted By: SMR

കൊച്ചി: രാജി വച്ചിട്ടും തന്നെ അയോഗ്യനാക്കിയതിനെതിരേ മുന്‍ ചീഫ് വിപ്പ് പി സി ജോര്‍ജ് ഹൈക്കോടതിയില്‍ ഹരജി നല്‍കി.
സ്പീക്കര്‍ എന്‍ ശക്തന്റെ നടപടി ജനപ്രാതിനിധ്യ നിയമത്തിന് വിരുദ്ധവും ഭരണഘടനാവിരുദ്ധവുമാണെന്നാരോപിച്ചാണ് ഹരജി. ചീഫ് വിപ്പ് തോമസ് ഉണ്ണിയാടന്‍ നല്‍കിയ പരാതിയില്‍ തനിക്കെതിരേ അന്വേഷണം നടന്നു വരുന്നതിനിടെ താന്‍ രാജി വച്ചതാണെന്നും എന്നാല്‍, ഇത് പരിഗണിക്കാതെ അയോഗ്യനാക്കി സ്പീക്കര്‍ ഉത്തരവിടുകയായിരുന്നെന്നും ഹരജിയില്‍ പറയുന്നു.
കേരള കോണ്‍ഗ്രസ്സിലെ അംഗത്വം സ്വമേധയാ ഉപേക്ഷിച്ച തരത്തിലായിരുന്നു താന്‍ സ്വീകരിച്ച നിലപാടും പെരുമാറ്റവും പ്രവൃത്തികളുമെന്ന് ചൂണ്ടിക്കാട്ടിയാണ് തോമസ് ഉണ്ണിയാടന്‍ സ്പീക്കര്‍ക്ക് പരാതി നല്‍കിയത്. ചീഫ് വിപ്പ് നല്‍കിയ പരാതിയുടെ അടിസ്ഥാനത്തില്‍ അയോഗ്യനാക്കുകയാണുണ്ടായതെന്നും അതിനാല്‍ സ്പീക്കറുടെ ഉത്തരവ് റദ്ദാക്കണമെന്നാവശ്യപ്പെട്ടാണ് ഹരജി.

Share on FacebookShare on Google+Tweet about this on TwitterShare on LinkedIn
(Visited 63 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക