|    Oct 18 Thu, 2018 4:23 am
FLASH NEWS
Home   >  Todays Paper  >  Page 4  >  

പി സതീദേവിയെ പരസ്യമായി ഭീഷണിപ്പെടുത്തി; കേസെടുത്തു

Published : 13th October 2018 | Posted By: kasim kzm

തിരുവനന്തപുരം: ജനാധിപത്യ മഹിളാ അസോസിയേഷന്‍ സംസ്ഥാന സെക്രട്ടറി അഡ്വ. പി സതീദേവിയെ ചാനല്‍ ചര്‍ച്ചയ്ക്കിടെ ഭീഷണിപ്പെടുത്തിയ സംഭവത്തില്‍ കേരള വനിതാ കമ്മീഷന്‍ സ്വമേധയാ കേസെടുത്തു. ശബരിമല സ്ത്രീപ്രവേശനം സംബന്ധിച്ച് ചാനല്‍ ചര്‍ച്ചയില്‍ അഭിപ്രായം പറഞ്ഞതിനാണ് പി സതീദേവിയെ ചര്‍ച്ചയ്ക്കിടെ പരസ്യമായി ബി ഗോപാലകൃഷ്ണന്‍ ഭീഷണിപ്പെടുത്തിയത്. അഭിപ്രായം തുറന്നുപറയുന്ന സ്ത്രീകള്‍ക്കു നേരെയുള്ള ഇത്തരം അക്രമങ്ങള്‍ അപലപനീയമാണെന്ന് എം സി ജോസഫൈന്‍ പറഞ്ഞു. സ്ത്രീകള്‍ തുറന്നു സംസാരിക്കണമെന്നാണ് വനിതാ കമ്മീഷന്റെ നിലപാട്. സ്ത്രീകളുടെ ജനാധിപത്യപരമായ അഭിപ്രായങ്ങള്‍ക്ക് കൂച്ചുവിലങ്ങ് ഇടേണ്ടതില്ല. അതവരുടെ അവകാശമാണ്. സ്ത്രീകളുടെ ശബ്ദം അഹിതമായി തോന്നുന്നവര്‍ ഇത്തരത്തിലുള്ള സമീപനം സ്വീകരിക്കുന്നതില്‍ അദ്ഭുതമില്ലെന്നും വനിതാ കമ്മീഷന്‍ അധ്യക്ഷ അഭിപ്രായപ്പെട്ടു. കേസിന്റെ തുടര്‍നടപടികള്‍ എത്രയും വേഗം സ്വീകരിക്കുമെന്നും എം സി ജോസഫൈന്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss