|    Jun 25 Mon, 2018 10:04 am
FLASH NEWS
Home   >  Todays Paper  >  page 10  >  

പി ജെ ആന്റണി സ്മാരക അവാര്‍ഡ് നിലമ്പൂര്‍ ആയിഷയ്ക്ക്

Published : 9th May 2017 | Posted By: fsq

 

തൃശൂര്‍: പാര്‍ട്ട് ഒഎന്‍ഒ ഫിലിംസ് തൃശൂരിന്റെ 18ാം വാര്‍ഷികാഘോഷങ്ങളുടെ ഭാഗമായുള്ള ഭരത് പി ജെ ആന്റണി സ്മാരക നാടക, സിനിമാ അഭിനയ പ്രതിഭ അവാര്‍ഡ് നിലമ്പൂര്‍ ആയിഷയ്ക്ക് നല്‍കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. 11,111 രൂപയും ശില്‍പി മണികണ്ഠന്‍ കിഴക്കൂട്ട് രൂപകല്‍പ്പന ചെയ്ത ശില്‍പവും പ്രശസ്തി പത്രവും അടങ്ങുന്നതാണ് അവാര്‍ഡ്. ജൂണ്‍ 12, 13, തിയ്യതികളിലായി സംഘടിപ്പിക്കുന്ന ഭരത് പി ജെ ആന്റണി സ്മാരക നാഷനല്‍ ഡോക്യു, ഷോര്‍ട്ട് ഫിലിം ഫെസ്റ്റിന്റെ സമാപനത്തോടനുബന്ധിച്ച് ജൂണ്‍ 14ന് വൈകീട്ട് 4.   30ന് തൃശൂര്‍ കേരള സാഹിത്യ അക്കാദമിയില്‍ നടക്കുന്ന സമാപന സമ്മേളനത്തില്‍ സാഹിത്യ അക്കാദമി പ്രസിഡന്റ് വൈശാഖന്‍ അവാര്‍ഡ് സമ്മാനിക്കും. സംഗീതസംവിധായകന്‍ വിദ്യാധരന്‍ മാസ്റ്റര്‍ അധ്യക്ഷത വഹിക്കും. കേരള സാഹിത്യ അക്കാദമി സെക്രട്ടറി എന്‍ രാധാകൃഷ്ണന്‍ നായര്‍ നിലമ്പൂര്‍ ആയിഷയെ പൊന്നാട ചാര്‍ത്തി ആദരിക്കും.  കേരളത്തിലെ 20 ഓളം കലാ, സാംസ്‌കാരിക സംഘടനകള്‍ നിലമ്പൂര്‍ ആയിഷയെ ചടങ്ങില്‍ ആദരിക്കും. അവാര്‍ഡ് സമര്‍പ്പണത്തോടനുബന്ധിച്ച് ഒ എന്‍ വി കുറുപ്പിന്റെ ഗാനങ്ങള്‍ കോര്‍ത്തിണക്കി ചേര്‍പ്പ് സാധകം സംഗീതാലയം ഒരുക്കുന്ന ഗാന സമര്‍പ്പണ സന്ധ്യയും നടക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss