|    Jul 28 Fri, 2017 10:43 pm
FLASH NEWS
Home   >  Todays Paper  >  page 12  >  

പി ജയരാജന്റെ അപേക്ഷ 27ലേക്ക് മാറ്റി

Published : 23rd April 2016 | Posted By: SMR

തലശ്ശേരി: ആര്‍എസ്എസ് നേതാവ് കതിരൂര്‍ മനോജിനെ കൊലപ്പെടുത്തിയ കേസിലെ 25ാം പ്രതി സിപിഎം കണ്ണൂര്‍ ജില്ലാ സെക്രട്ടറി പി ജയരാജന്‍ കണ്ണൂര്‍ ജില്ലയില്‍ പ്രവേശിക്കാന്‍ അനുമതി തേടി നല്‍കിയ അപേക്ഷ കോടതി ഏപ്രില്‍ 27ലേക്കു മാറ്റി. മനോജ് വധക്കേസിലെ ജാമ്യവ്യവസ്ഥ പ്രകാരം ജയരാജന്‍ ഇപ്പോള്‍ സഹോദരിയുടെ വടകര ചോ റോട്ടെ വീട്ടിലാണു താമസം.
അടുത്ത മാസം 17, 18 തിയ്യതികളില്‍ കണ്ണൂര്‍ ജില്ലയില്‍ പ്രവേശിക്കാന്‍ അനുവദിക്കണമെന്ന് ആവശ്യപ്പെട്ടാണ് പി ജയരാജന്‍ ജില്ലാ സെഷന്‍സ് കോടതിയില്‍ അപേക്ഷ നല്‍കിയത്. സിബിഐ അഭിഭാഷകന്‍ കോടതിയില്‍ ഹാജരായിരുന്നില്ല. ഏപ്രില്‍ 17ന് പരിയാരം മെഡിക്കല്‍ കോളജില്‍ ഡോ. അഷ്‌റഫിന്റെ പരിശോധനയ്ക്കു വിധേയനാവാനും 18ന് ഫസല്‍ വധക്കേസിലെ പ്രതി കാരായി രാജന്റെ മകളുടെ വിവാഹത്തില്‍ പങ്കെടുക്കാനുമാണ് ജയരാജന്‍ ജില്ലയില്‍ പ്രവേശിക്കാന്‍ അനുമതി തേടിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക