|    Oct 22 Sun, 2017 1:19 am

പിതാവ് ‘പരീക്ഷാ’ ചൂടില്‍; മകന് നൂറുമേനി വിജയം

Published : 28th April 2016 | Posted By: SMR

കല്‍പ്പറ്റ: പിതാവ് നിയമസഭാ തിരഞ്ഞെടുപ്പിന്റെ മല്‍സരച്ചൂടില്‍ മുഴുകുമ്പോള്‍ മകന് എസ്എസ്എല്‍സി പരീക്ഷയില്‍ ഉജ്ജ്വല വിജയം. കല്‍പ്പറ്റ മണ്ഡലം എല്‍ഡിഎഫ് സ്ഥാനാര്‍ഥി സി കെ ശശീന്ദ്രന്റെ മകന്‍ഗൗതം പ്രകാശാണ് മുഴുവന്‍ വിഷയങ്ങള്‍ക്കും എ പ്ലസ് നേടി മികവ് പുലര്‍ത്തിയത്. മുണ്ടേരി ഗവ. വിഎച്ച്എസ്‌സിയിലെ വിദ്യാര്‍ഥിയാണ് ഗൗതം പ്രകാശ്.
ഈ സ്‌കൂളില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ രണ്ടു പേരില്‍ ഒരാളാണ് ഗൗതം. ഒരു വിഷയത്തിലും പ്രത്യേക ട്യൂഷന്‍ ഇല്ലാതെയാണ് ഗൗതം പ്രകാശ് എ പ്ലസുകള്‍ വാരിക്കൂട്ടിയത്. സ്‌കൂളിലെ പഠനം മാത്രമായിരുന്നു ആശ്രയം. നാലു വരെ കല്‍പ്പറ്റ ഗവ. എല്‍പി സ്‌കൂളിലായിരുന്നു പഠനം.
പാഠ്യേതര രംഗത്തും ഈ മിടുക്കന്‍ സജീവമാണ്. സ്റ്റുഡന്റ് പോലിസ് കാഡറ്റ് അംഗമാണ്. ക്വിസ് മല്‍സരം, വായനമല്‍സരം എന്നിവയിലും നിരവധി സമ്മാനങ്ങള്‍ ഗൗതം പ്രകാശ് നേടിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക