|    Aug 20 Mon, 2018 9:43 pm
FLASH NEWS

പിങ്ക് പോലിസ് 16 മുതല്‍ പാലക്കാട്ടും

Published : 15th June 2018 | Posted By: kasim kzm

പാലക്കാട്: സ്ത്രീകള്‍ക്കും കുട്ടികള്‍ക്കും വിദ്യാര്‍ഥിനികള്‍ക്കും ഇനി 1515 എന്ന ടോള്‍ഫ്രീ നമ്പറിലേക്ക് വിളിച്ച് സഹായം ആവശ്യപ്പെടാം. സ്ത്രീകളുടേയും കുട്ടികളുടേയും സുരക്ഷയ്ക്കായി രൂപവത്കരിച്ചിട്ടുള്ള പിങ്ക് പോലിസ് പാലക്കാട് ജില്ലയിലും പ്രവര്‍ത്തനം ആരംഭിക്കുന്നു. സ്ത്രീകളുടെയും കുട്ടികളുടെയും സുരക്ഷ മുന്‍നിര്‍ത്തി വനിതാ പോലിസ് ഉദ്യോഗസ്ഥര്‍ മാത്രം നേരിട്ടു നിയന്ത്രിക്കുന്ന പിങ്ക് പോലിസിന്റെ ഉദ്ഘാടനം പട്ടികജാതി-പട്ടികവര്‍ഗ-പിന്നാക്കക്ഷേമ- നിയമ -സാംസ്—ക്കാരിക -പാര്‍ലമെന്ററികാര്യ മന്ത്രി എ കെ ബാലന്‍  16 നു രാവിലെ 9.30ന് ജില്ലാ പോലിസ് ഓഫിസ് അനെക്‌സില്‍ നിര്‍വഹിക്കും. പോലിസ് സ്റ്റേഷനുകളേയും കണ്‍ട്രോള്‍ റൂമുകളേയും സമന്വയിപ്പിച്ചാണ് പിങ്ക് പട്രോള്‍ സംവിധാനം നടപ്പാക്കുക.  ഡിപിഒ അനക്—സ് അങ്കണത്തില്‍ നടക്കുന്ന പരിപാടിയില്‍ ക്രൈംബ്രാഞ്ച് ഡിവൈഎസ്പി പി ശശികുമാര്‍ അധ്യക്ഷനാകും. ജില്ലാ പോലിസ് മേധാവി ദേബേഷ് കുമാര്‍ ബെഹ്—റ ഐപിഎസ് മുഖ്യപ്രഭാഷണം നടത്തും. സ്‌പെഷല്‍ ബ്രാഞ്ച് ഡിവൈഎസ്പി സെയ്താലി, ഡിസിആര്‍ബി ഡിവൈഎസ്പി കെഎല്‍ രാധാകൃഷ്ണന്‍, പാലക്കാട് ഡിവൈഎസ്പി ജി ഡി വിജയകുമാര്‍, ഡിവൈഎസ്പി (അഡ്മിനിസ്—ട്രേഷന്‍) സുന്ദരന്‍, മറ്റ് പോലിസ് ഉദ്യോഗസ്ഥര്‍  പരിപാടിയില്‍ പങ്കെടുക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss