|    Jan 22 Mon, 2018 5:34 pm
FLASH NEWS
Home   >  Kerala   >  

പിഎസ്‌സിയും വിവരാവകാശ നിയമത്തിന്റെ പരിധിയില്‍ വരുമെന്ന് സുപ്രീംകോടതി

Published : 4th February 2016 | Posted By: G.A.G

PSC

ന്യൂഡല്‍ഹി : പബ്ലിക് സര്‍വീസ് കമ്മീഷന്‍ വിവരാവകാശ നിയമത്തിന്റെ പരിധിയില്‍ വരുമെന്ന് സുപ്രീംകോടതി. പിഎസ്‌സി വിവരാവകാശ നിയമത്തിന്റെ പരിധിയില്‍ വരുമെന്ന 2011ലെ ഹൈക്കോടതി വിധിക്കെതിരെ പിഎസ്‌സി നല്‍കിയ അപ്പീല്‍ തള്ളിക്കൊണ്ടാണ് ജസ്റ്റിസ് എംവൈ ഇക്ബാലിന്റെ നേതൃത്വത്തിലുള്ള സുപ്രീം കോടതി ബെഞ്ചിന്റെ സുപ്രധാന വിധി.
വിവരാവകാശനിയമത്തിന്റെ പരിധിയില്‍ വരുന്നതോടെ ജീവനക്കാരുടെ ജോലിഭാരം കൂടുമെന്ന പിഎസ്‌സി യുടെ വാദം സുപ്രീംകോടതി തള്ളി. പിഎസ്‌സിയുടെ വാദങ്ങള്‍ക്കെതിരായ നിലപാടാണ് സംസ്ഥാന വിവരാവകാശ കമ്മിഷന് ഇക്കാര്യത്തിലുണ്ടായിരുന്നത്.

ഇന്നത്തെ വിധി രാജ്യത്തെ എ്‌ലലാ പബ്ലിക് സര്‍വീസ് കമ്മീഷനുകള്‍ക്കും ബാധകമാണെന്നും കോടതി വ്യക്തമാക്കിയിട്ടുണ്ട്. ഉത്തരക്കടലാസുകള്‍ പരിശോധിക്കുന്നവരുടെ പേരുവിവരങ്ങള്‍ ഒഴികെ മറ്റുകാര്യങ്ങള്‍ വിവരാവാശനിയമപ്രകാരം അപേക്ഷിക്കുന്നവര്‍ക്ക് കൈമാറാമെന്നാണ് കോടതിയുടെ നിര്‍ദേശം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day