|    Mar 24 Fri, 2017 12:01 am
FLASH NEWS

പിഎഫ് ഇനി മുഴുവനായി പിന്‍വലിക്കാം

Published : 20th April 2016 | Posted By: SMR

Provident Fund

ന്യൂഡല്‍ഹി: രാജ്യത്തെ ലക്ഷക്കണക്കിനു ജീവനക്കാര്‍ക്ക് ആശ്വാസമായി എംപ്ലോയീസ് പ്രൊവിഡന്റ് ഫണ്ട് (ഇപിഎഫ്) നിയമത്തില്‍ ഭേദഗതിവരുത്താന്‍ കേന്ദ്രസര്‍ക്കാര്‍ തീരുമാനിച്ചു. ഇതോടെ ഇനിമുതല്‍ ജീവനക്കാര്‍ക്ക് വിരമിക്കുന്നതിനു മുമ്പു തന്നെ തുക മുഴുവനായി പിന്‍വലിക്കാം. നേരത്തേ സര്‍ക്കാര്‍ പ്രഖ്യാപിച്ച പിഎഫ് നിയമഭേദഗതിക്കെതിരേ ബംഗളൂരുവില്‍ തൊഴിലാളികള്‍ നടത്തിയ പ്രതിഷേധത്തെ തുടര്‍ന്നാണ് നടപടിയെന്ന് കേന്ദ്ര തൊഴില്‍മന്ത്രി ബന്ദാരു ദത്താത്രേയ പറഞ്ഞു.
പിഎഫ് ഫണ്ട് പിന്‍വലിക്കുന്നതുമായി ബന്ധപ്പെട്ട 1952ലെ ഇപിഎഫ് നിയമത്തിലെ വ്യവസ്ഥകള്‍ കര്‍ശനമാക്കുമെന്ന് ബജറ്റ് പ്രഖ്യാപനത്തിനിടെ കേന്ദ്ര ധനമന്ത്രി അരുണ്‍ ജെയ്റ്റ്‌ലി വ്യക്തമാക്കിയിരുന്നു. പിഎഫ് പിന്‍വലിക്കുന്നതിനുള്ള പ്രായം 54ല്‍ നിന്ന് 58 ആക്കി ഉയര്‍ത്തുമെന്നായിരുന്നു മന്ത്രി പറഞ്ഞത്. എന്നാല്‍, ഇനിമുതല്‍ 54 വയസ്സു വരെയും 57 വയസ്സിനു ശേഷവും പിഎഫ് മൊത്തത്തില്‍ പിന്‍വലിക്കാം. എന്നാല്‍, 54 വയസ്സിനുശേഷം 57 വരെയുള്ള നാലുവര്‍ഷത്തെ കാലയളവില്‍ ഈ സൗകര്യം ലഭിക്കില്ല. ചില അടിയന്തരാവശ്യങ്ങള്‍ക്ക് പ്രാധാന്യം നല്‍കിയാണ് ഇപ്പോള്‍ ഭേദഗതികള്‍ വരുത്തുന്നത്. വീട് നിര്‍മാണം, ആരോഗ്യപ്രശ്‌നങ്ങളും ചികില്‍സയും, കുട്ടികളുടെ വിദ്യാഭ്യാസം, വിവാഹം എന്നീ ആവശ്യങ്ങള്‍ക്കുവേണ്ടി മാത്രമേ പിഎഫ് മുഴുവനായി പിന്‍വലിക്കാന്‍ പറ്റൂ. നിയമം അടുത്തമാസത്തോടെ പ്രാബല്യത്തില്‍ വരുമെന്നും വിജ്ഞാപനം ഉടന്‍ ഇറക്കുമെന്നും മന്ത്രി പറഞ്ഞു.

(Visited 125 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക