|    Feb 22 Thu, 2018 12:14 am
FLASH NEWS

പിഎച്ച്‌സി കുടുംബാരോഗ്യ കേന്ദ്രമാക്കി; ഉദ്ഘാടനം ഇന്ന്

Published : 10th December 2017 | Posted By: kasim kzm

ആലത്തൂര്‍: പൊതുജനാരോഗ്യരംഗത്ത് മെച്ചപ്പെട്ട ചികില്‍സാസൗകര്യങ്ങളും പരിരക്ഷയും ലക്ഷ്യമിട്ട് സര്‍ക്കാര്‍ നടപ്പാക്കുന്ന ആര്‍ദ്രം പദ്ധതിയില്‍ ഉള്‍പ്പെടുത്തി കിഴക്കഞ്ചേരി പഞ്ചായത്തിലെ പ്രാഥമികാരോഗ്യകേന്ദ്രം കുടുംബാരോഗ്യകേന്ദ്രമായി. കേന്ദ്രത്തിന്റെ പ്രവര്‍ത്തനം ഇന്നാരംഭിക്കും. കുടുംബരോഗ്യകേന്ദ്രത്തിന്റെ ഒപി പ്രവര്‍ത്തന സമയം രാവിലെ ഒന്‍പതു മുതല്‍ വൈകീട്ട് ആറുവരെയാണ്. കുടുംബരോഗ്യകേന്ദ്രമായ ശേഷം ലബോറട്ടറി, ഫാര്‍മസി, ഫീല്‍ഡ്തലപ്രവര്‍ത്തനങ്ങളും കാര്യക്ഷമമായി നടക്കും. അമ്മമാര്‍ക്ക് മുലയൂട്ടലിനുളള മുറി, പരിശോധന മുറികള്‍, ഇഞ്ചക്്ഷന്‍ മുറി, എന്നിവയുടെ നവീകരണ പ്രവര്‍ത്തനങ്ങളും ആശുപത്രികെട്ടിടങ്ങളുടെ പെയ്ന്റിങും ഇലക്ട്രിക്ക് പണികളും പൂര്‍ത്തിയാക്കിയിട്ടുണ്ട്. കൂടാതെ ജനങ്ങളുടെ സൗകര്യാര്‍ത്ഥം പ്രവേശനസ്ഥലത്ത്്  ബോര്‍ഡുകളും സജ്ജമാക്കിയിട്ടുണ്ട്. ടിവി, വാട്ടര്‍ പ്യൂരിഫയര്‍, അനലൈസര്‍, മൊബൈല്‍ സ്‌പോട്ട് ലൈറ്റ്, ഡയറക്ട് ഓഫ്താല്‍മോ സ്‌കോപ്പ്, നെബുലൈസര്‍, ഗ്ലൂക്കോമീറ്റര്‍ ഇസിജി മെഷീന്‍, സെമി ഓട്ടോ അനലൈസര്‍, ഫര്‍ണിച്ചറുകള്‍ എന്നിവയും സജ്ജീകരിച്ചിട്ടുണ്ട്. ഉദ്ഘാടനം ഇന്നു വൈകീട്ട്് മൂന്നിന്് രോഗി സൗഹൃദ ആശുപത്രി പരിസരത്ത്്  മന്ത്രി എ കെ ബാലന്‍ നിര്‍വഹിക്കും. കെ ഡി പ്രസേനന്‍ എംഎല്‍എ അധ്യക്ഷനാവും. കേന്ദ്രത്തിലെ നവീകരിച്ച ഫാര്‍മസി ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ ശാന്തകുമാരി നിര്‍വഹി—ക്കും. നവീകരിച്ച ലാബ് ഉദ്ഘാടനം ആലത്തൂര്‍ ബ്ലോക്ക് പഞ്ചായത്ത് പ്രസിഡന്റ് സി കെ ചാമുണ്ണി, നവീകരിച്ച യുഐപി റൂം ഉദ്ഘാടനം കിഴക്കഞ്ചേരി ഗ്രാമപ്പഞ്ചായത്ത് പ്രസിഡന്റ് കവിതാ മാധവന്‍ നിര്‍വഹിക്കും. ഇ-ഹെല്‍ത്ത് പദ്ധതി സംബന്ധിച്ച്  ഡിഎംഒ കെ പി റീത്ത വിശ—ദീകരിക്കും. ആര്‍ദ്രം മിഷന്‍ സംബന്ധിച്ച് ഡെപ്യൂട്ടി ഡിഎംഒയും ആര്‍ദ്രം ജില്ലാ നോഡല്‍ ഓഫിസര്‍ കൂടിയായ ഡോ. ടി കെ അനൂപ്, ഡിപിഎം ഡോ. രചന ചിദംബംരം  സംസാരിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss