|    Sep 24 Sun, 2017 12:17 pm
FLASH NEWS

പാലത്തില്‍ നിന്ന് കാര്‍ 20അടി താഴ്ചയിലേക്ക് മറിഞ്ഞു; ഡ്രൈവറെ പരിക്കില്ലാതെ രക്ഷപ്പെടുത്തി

Published : 26th April 2016 | Posted By: SMR

പഴയങ്ങാടി: വാടിക്കല്‍ക്കടവ് പാലത്തിനു മുകളില്‍ നിന്ന് കാര്‍ നിയന്ത്രണം വിട്ട് 20അടി താഴ്ചയിലേക്ക് മറിഞ്ഞു. ഡ്രൈവര്‍ പയ്യന്നൂര്‍ സ്വദേശിയെ പരിക്കില്ലാതെ രക്ഷപ്പെടുത്തി. ഇന്നലെ ഉച്ചയ്ക്ക് 12ഓടെയാണ് സംഭവം.
പഴയങ്ങാടി ഭാഗത്തു നിന്നും മാട്ടൂല്‍ ഭാഗത്തേക്ക് പോവുകയായിരുന്ന മാരുതി ആള്‍ട്ടോ കാറാണ് അപകടത്തില്‍പ്പെട്ടത്. മറ്റൊരു വാഹനത്തിന് സൈഡ് കൊടുക്കുന്നതിനിടെയാണ് അപകടം. താഴെ വലിഞ്ഞു കെട്ടിയ സ്റ്റേവയറില്‍ തട്ടി കാര്‍ നിന്നതിനാല്‍ വന്‍ ദുരന്തമൊഴിവായി. കാറിനുള്ളില്‍ കുടുങ്ങിയ ഡ്രൈവറെ നാട്ടുകാര്‍ ചേര്‍ന്നാണ് പുറത്തെടുത്തത്.
അഞ്ചുവര്‍ഷം മുമ്പ് ഇതേ സ്ഥലത്ത് കല്ലുപറമ്പില്‍ ഹര്‍ഷന്റെ വീട്ടിനു മുകളിലേക്ക് പോലിസ് ജീപ്പ് മറിഞ്ഞിരുന്നു. അപകടത്തില്‍ എഎസ്‌ഐക്കും പോലിസ് ഡ്രൈവര്‍ക്കും പരിക്കേറ്റിരുന്നു. കാര്‍ പിന്നീട് ക്രെയിന്‍ ഉപയോഗിച്ച് മുകളിലേക്ക് നീക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക