|    Jun 22 Fri, 2018 3:34 am
FLASH NEWS

പാലക്കാട് -കുളപ്പുള്ളി സംസ്ഥാന പാത: അറ്റകുറ്റപ്പണികള്‍ കടലാസിലൊതുങ്ങി

Published : 23rd June 2017 | Posted By: fsq

 

പറളി: പാലക്കാട് -കുളപ്പുള്ളി സംസ്ഥാന പാതയുടെ അറ്റകുറ്റപ്പണികള്‍  കടലാസിലൊതുങ്ങി. പാതയുടെ പലഭാഗങ്ങളും ഇതിനകം തകര്‍ന്നു. സംസ്ഥാന ഹൈവേയുടെ നിര്‍മാണം പൂര്‍ത്തീകരിച്ച് വര്‍ഷങ്ങളായെങ്കിലും അറ്റകുറ്റപ്പണികള്‍ ഇതുവരെയും നടത്തിയിട്ടില്ല. അംഗീകാരം  ലഭിക്കാത്തതാണ് ഇതിനു പ്രധാന കാരണമെന്ന് പറയുന്നു. പാലക്കാട് മുതല്‍ കുളപ്പുള്ളിവരെയുള്ള പാതയില്‍ നിലവില്‍ ഓട്ടയടയ്ക്കല്‍പോലും നടന്നിട്ടില്ല. പാതയില്‍ പലയിടത്തും  വന്‍ഗര്‍ത്തങ്ങള്‍ രൂപം കൊണ്ടു. കണ്ണിയമ്പുറം, വാണിയംകുളം, കുളപ്പുള്ളി, മങ്കര ഉള്‍പ്പെടെയുള്ള സ്ഥലങ്ങളില്‍ റോഡ് തകര്‍ച്ചയിലാണ്. പലയിടത്തും  നാട്ടുകാരും സന്നദ്ധ സംഘടനാപ്രവര്‍ത്തകരും തകര്‍ന്ന ഭാഗങ്ങളില്‍ സിമന്റ് ഉപയോഗിച്ച് നവീകരണം നടത്തിയിട്ടുണ്ട്്. പാലക്കാട് മുതല്‍ കുളപ്പുള്ളിവരെയുള്ള 47 കിലോമീറ്റര്‍ റോഡ് പൂര്‍ണമായും ടാറിങ് നടത്തേണ്ടത് അത്യാവശ്യമാണ്.റോഡ് നിര്‍മാണത്തിന്റെ ചുമതലയുണ്ടായിരുന്ന കെഎസ്ടിപിയെ തന്നെയാണ് അറ്റകുറ്റപ്പണി നടത്തുന്നതിനും നിയോഗിക്കേണ്ടത്. നാലരകോടി രൂപയ്ക്കടുത്ത് ഇതിനായി ചെലവുവരും. അതേസമയം സംസ്ഥാനപാതയായിട്ടും അഴുക്കുചാല്‍ നിര്‍മാണം പാതയില്‍ ഇതുവരെ പൂര്‍ത്തിയായിട്ടില്ല. ഭൂരിഭാഗം സ്ഥലത്തും അഴുക്കുചാല്‍ ഇല്ലാത്ത സ്ഥിതിയാണുള്ളത്. ഇതുമൂലം മഴപെയ്താല്‍ മലിനജലവും മറ്റും റോഡിലേക്കാണ് ഒഴുകിയെത്തുന്നത്. സംസ്ഥാന ഹൈവേ നിര്‍മാണം അശാസ്ത്രീയമാണന്നും ലോകോത്തര നിലവാരമുണ്ടായിരിക്കണമെന്ന മാനദണ്ഡം പാലിക്കപ്പെട്ടില്ലെന്നും തുടക്കം മുതല്‍ ആക്ഷേപം ഉയര്‍ന്നിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss