|    Feb 20 Tue, 2018 3:26 am
FLASH NEWS

പാറ്റോലി തോട്ടില്‍ മാലിന്യ നിക്ഷേപം ; പ്രദേശവാസികള്‍ രോഗഭീതിയില്‍

Published : 14th May 2017 | Posted By: fsq

 

കരുനാഗപ്പള്ളി: കുലശേഖരപുരം, തഴവ എന്നീ ഗ്രാമപ്പഞ്ചായത്തുകളുടെ അതിര്‍ത്തി പങ്കിടുന്ന പാറ്റോലി തോട്ടില്‍ കക്കൂസ് മാലിന്യം ഒഴുക്കിവിടുന്നതായി പരാതി. കുതിരപ്പന്തിയില്‍ നിന്നും ആരംഭിച്ച് വട്ടക്കായലില്‍ പതിക്കുന്ന പാറ്റോലിതോട് കൈയേറ്റങ്ങളുടേയും മാലിന്യ കൂമ്പാരങ്ങളുടേയും കേന്ദ്രമായി മാറിയിട്ടുണ്ട്. കക്കൂസ് മാലിന്യം,മൃഗങ്ങളുടെ അവശിഷ്ടങ്ങള്‍ എന്നിവ പൈപ്പുകള്‍ വഴി തോട്ടിലേക്ക് ഒഴുക്കുകയാണ്. ഇതു കാരണം തോടിന്റെ ഇരുകരകളിലും താമസിക്കുന്ന കുടുംബങ്ങള്‍ രോഗഭീതിയില്‍ കഴിയുകയാണ്. മഴക്കാലം ആകുന്നതോടെ പകര്‍ച്ച വ്യാതികള്‍ പടര്‍ന്ന് പിടിക്കുവാന്‍ സാധ്യതയേറെയാണ്.നാളുകള്‍ക്ക് മുമ്പ് തൊഴിലുറപ്പ് തൊഴിലാളികള്‍ പാറ്റോലിതോട് വൃത്തിയാക്കാന്‍ വേണ്ടി തോട്ടില്‍ ഇറങ്ങി മാലിന്യങ്ങള്‍ നീക്കം ചെയ്യുന്നതിനിടയില്‍ ഛര്‍ദ്ദിയും ശരീരത്തിന് അസ്വസ്ഥതകള്‍ ഉണ്ടാവുകയും ചെയ്തിരുന്നു. ഉയര്‍ന്ന പുരയിടങ്ങളില്‍ നിന്നും മിക്ക വീട്ടുകാരും തോട്ടിലേക്ക് മാലിന്യം തള്ളുകയാണ് പതിവ്. ഇക്കാര്യം പല തവണ അധികാരികളെ അറിയിച്ചിരുന്നെങ്കിലും ഒരു നടപടിയുമുണ്ടായില്ലെന്ന് നാട്ടുകാര്‍ പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss