|    Mar 28 Tue, 2017 11:32 pm
FLASH NEWS

പാറ്റന്റ് പോരാട്ടം ഗൂഗിളും മൈക്രോസോഫ്റ്റും അവസാനിപ്പിക്കുന്നു

Published : 3rd October 2015 | Posted By: G.A.G

വാഷിങ്ടണ്‍: പാറ്റന്റുമായി ബന്ധപ്പെട്ട് അഞ്ചു വര്‍ഷക്കാലമായി നീളുന്ന തങ്ങളുടെ നിയമപോരാട്ടങ്ങള്‍ താല്‍ക്കാലികമായി അവസാനിപ്പിക്കാന്‍ ധാരണയിലെത്തിയതായി മൈക്രോസോഫ്റ്റും ഗൂഗിളും അറിയിച്ചു.
വൈഫൈ ഉള്‍പ്പെടെയുള്ള മൊബൈല്‍ ഫോണ്‍ സാങ്കേതികവിദ്യയുടെ പാറ്റന്റുമായി ബന്ധപ്പെട്ട് 18 കേസുകളാണ് ഇരുകമ്പനികളും തമ്മില്‍ നിലനില്‍ക്കുന്നത്. കമ്പനികള്‍ സംയുക്തമായി നടത്തിയ പ്രസ്താവനയിലാണ് വിഷയത്തില്‍ ധാരണയിലെത്തിയ കാര്യം അറിയിച്ചത്.
പാറ്റന്റ് വിഷയത്തില്‍ കൂടുതല്‍ വിവരങ്ങളൊന്നും കമ്പനികള്‍ പുറത്തുവിട്ടിട്ടില്ല. ഉപഭോക്താക്കള്‍ക്ക് ഗുണമുണ്ടാക്കുന്ന രീതിയില്‍ ഒരുമിച്ചു പ്രവര്‍ത്തിക്കാന്‍ തീരുമാനിച്ചതായി പ്രസ്താവനയില്‍ പറയുന്നു. ഏറെക്കാലമായി നീളുന്ന നിയമപോരാട്ടത്തിന് കോടതിയുടെ പുറത്ത് ധാരണയിലെത്തിയത് നിര്‍ണായകമായ നീക്കമാണ്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day