|    Oct 18 Thu, 2018 8:08 am
FLASH NEWS
Home   >  Todays Paper  >  Page 5  >  

‘പാറമടകള്‍ക്ക് അനുമതി; സുരക്ഷിതത്വം ബോധ്യപ്പെടുത്തണം’

Published : 5th October 2018 | Posted By: kasim kzm

തിരുവനന്തപുരം: തുറമുഖ പദ്ധതികള്‍ക്കുവേണ്ടിയായാലും മറ്റേതെങ്കിലും വികസന പദ്ധതികള്‍ക്കു വേണ്ടിയായാലും പുതിയ പാറമടകള്‍ക്ക് അനുമതി നല്‍കുന്നതിനു മുമ്പ് അതിന്റെ ശാസ്ത്രീയതയും സുരക്ഷിതത്വവും ജനങ്ങളെ ബോധ്യപ്പെടുത്തണമെന്ന് ആവശ്യപ്പെട്ട് വി എസ് അച്യുതാനന്ദന്‍. ഈ ആവശ്യമുന്നയിച്ച് റവന്യൂ മന്ത്രിക്ക് അദ്ദേഹം കത്തു നല്‍കി. വിഴിഞ്ഞം തുറമുഖ പദ്ധതി സമയബന്ധിതമായി നടപ്പാക്കപ്പെടുന്നില്ല. അതിനു കാരണമായി നിര്‍മാതാക്കള്‍ പറയുന്നതു പാറയുടെ ലഭ്യതക്കുറവാണെന്നു പത്രവാര്‍ത്തകളുണ്ട്. ഇക്കാര്യത്തില്‍ അവര്‍ക്കായി മാത്രം പ്രത്യേക അനുമതികള്‍ നല്‍കാന്‍ കരാറില്‍ വ്യവസ്ഥയില്ലാത്തതിനാല്‍ ആ പദ്ധതിയുടെ പേരില്‍ കോടിക്കണക്കിനു ജനങ്ങളുടെ ആവാസവ്യവസ്ഥയുടെ സുസ്ഥിരത തകര്‍ക്കുന്ന രീതിയില്‍ പാറമടകള്‍ക്ക് അനുമതി നല്‍കുന്നത് ന്യായീകരിക്കാനാവില്ല. പശ്ചിമഘട്ടത്തിന് ആഘാതമുണ്ടാക്കുന്ന വികസന പ്രവര്‍ത്തനങ്ങള്‍ എന്തായാലും അതിനു ശാസ്ത്രീയമായ ന്യായീകരണങ്ങളും സുതാര്യതയും വേണമെന്നും ഇക്കാര്യത്തില്‍ റവന്യൂ വകുപ്പ് ജാഗ്രത പുലര്‍ത്തണമെന്നും വി എസ് കത്തില്‍ ആവശ്യപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss