|    Oct 17 Wed, 2018 11:54 pm
FLASH NEWS
Home   >  National   >  

പാര്‍ലമെന്ററി കമ്മിറ്റിക്കു മുന്നില്‍ ഉത്തരമില്ലാതെ റിസര്‍വ് ബാങ്ക് ഗവര്‍ണര്‍

Published : 18th January 2017 | Posted By: Navas Ali kn

urjitpatel-kdYC--621x414@LiveMint

ന്യൂഡല്‍ഹി: നോട്ട് അസാധുവാക്കല്‍ തീരുമാനവുമായി ബന്ധപ്പെട്ട പാര്‍ലമെന്ററി സ്റ്റാന്റിങ് കമ്മിറ്റിക്കു മുമ്പില്‍ റിസര്‍വ് ബാങ്ക് ഗവര്‍ണര്‍ വ്യക്തമായ ഉത്തരം നല്‍കാനാകാതെ വലഞ്ഞു. കമ്മിറ്റിക്കു മുമ്പിലെത്തിയ റിസര്‍വ് ബാങ്ക് ഗവര്‍ണര്‍ ഉര്‍ജിത് പട്ടേലിന് നോട്ട് നിരോധനം കൊണ്ടുണ്ടായ പ്രതിസന്ധി എന്നു തീരും, ബാങ്കുകളില്‍ എത്ര പണം തിരികെയെത്തി തുടങ്ങിയ ചോദ്യങ്ങള്‍ക്ക് മറുപടി നല്‍കാന്‍ കഴിഞ്ഞില്ല. ബാങ്ക് വഴി എത്ര പണം വിതരണം ചെയ്തു എന്നതിന് സാധ്യമായത്ര പണം വിതരണം ചെയ്തുവെന്നും ഇതില്‍ 9.2 ലക്ഷം കോടി രൂപയുടെ പുതിയ കറന്‍സിയാണ് വിതരണം ചെയ്തതെന്നും അദ്ദേഹം മറുപടി പറഞ്ഞു. 2016 ജനുവരിയില്‍ തന്നെ നോട്ട് നിരോധന നടപടികള്‍ ആരംഭിച്ചിരുന്നെന്നും അദ്ദേഹം കമ്മിറ്റിയോട് പറഞ്ഞു. നോട്ട് നിരോധനത്തിന്റെ അന്‍പതാം ദിവസം പ്രധാന മന്ത്രി നടത്തിയ പ്രഭാഷണത്തിലും എത്ര പണം തിരികെ എത്തിയെന്ന് പറഞ്ഞിരുന്നില്ല. കണക്ക് ലഭ്യമാകാന്‍ ദിവസങ്ങളെടുക്കും എന്നായിരുന്നു അന്ന് പറഞ്ഞത്. അതിനു ശേഷം ആഴ്ച്ചകള്‍ പിന്നിട്ടിട്ടും റിസര്‍വ്വ് ബാങ്ക് ഗവര്‍ണര്‍ക്കും വ്യക്തമായ കണക്ക് നല്‍കാനായില്ല.
വ്യാഴാഴ്ച്ച ആര്‍ബിഐ ഗവര്‍ണര്‍ പാര്‍ലമെന്റിന്റെ പബ്ലിക് അക്കൗണ്ട്‌സ് കമ്മിറ്റിക്കു മുമ്പിലും ഹാജരായി വിശദീകരണം നല്‍കും. ചോദ്യങ്ങള്‍ക്കു തൃപ്തികരമായ മറുപടി നല്‍കാന്‍ ഉര്‍ജിത് പട്ടേലിനു കഴിഞ്ഞില്ലെങ്കില്‍ വേണ്ടിവന്നാല്‍ പ്രധാനമന്ത്രി നരേന്ദ്ര മോദിയെയും വിളിച്ചുവരുത്തുമെന്ന് പിഎസി തലവന്‍ കെ വി തോമസ് നേരത്തേ പറഞ്ഞിരുന്നു. ഇതിനെതിരേ കമ്മിറ്റിയിലെ ബിജെപി അംഗങ്ങള്‍ രംഗത്തുവന്നിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss