|    Oct 21 Sat, 2017 4:56 am
FLASH NEWS

പാര്‍ഥസാരഥിക്ഷേത്രം ദേവസ്വം ഏറ്റെടുത്തത് സബ്‌കോടതി ശരിവച്ചു

Published : 9th October 2017 | Posted By: fsq

 

ചാവക്കാട്: ഗുരുവായൂര്‍ പാര്‍ഥസാരഥിക്ഷേത്രം മലബാര്‍ ദേവസ്വം ബോര്‍ഡ് ഏറ്റെടുത്ത നടപടി ചാവക്കാട് സബ്‌കോടതി ശരിവെച്ചു. ക്ഷേത്രഭരണം നിലവിലെ ഭരണസമിതിക്ക് തിരിച്ചേല്‍പ്പിക്കേണ്ടതിന്റെയോ കമ്മിഷണറെ നിയോഗിക്കേണ്ടതിന്റെയോ സാഹചര്യമില്ലെന്ന് കോടതി വ്യക്തമാക്കി. മലബാര്‍ ദേവസ്വം ബോര്‍ഡ് ക്ഷേത്രം ഏറ്റെടുത്ത നടപടി ചോദ്യംചെയ്തും ക്ഷേത്രഭരണം തിരിച്ചേല്‍പ്പിക്കണമെന്നും ആവശ്യപ്പെട്ട് ക്ഷേത്രഭരണസമിതി നല്‍കിയ ഹര്‍ജിയാണ് കോടതി തള്ളിയത്. ഗസറ്റ് വിജ്ഞാപനം അനുസരിച്ചാണ് ക്ഷേത്രഭരണം ഏറ്റെടുക്കാന്‍ മലബാര്‍ ദേവസ്വം ബോര്‍ഡ് എക്‌സിക്യുട്ടീവ് ഓഫീസര്‍ എത്തിയത്. എന്നാല്‍, ഇത് നിയമാനുസൃതമല്ലെന്നും ക്ഷേത്രഭരണം നിലവിലെ ഭരണസമിതിക്കാണെന്നും ബോര്‍ഡിന്റെ നടപടി റദ്ദാക്കണമെന്നും ഭരണസമിതി ഹര്‍ജിയില്‍ ആവശ്യപ്പെട്ടിരുന്നു. ഇതാണ് കോടതി തള്ളിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക