|    Nov 20 Tue, 2018 7:55 pm
FLASH NEWS
Home   >  Todays Paper  >  page 9  >  

പാരിസില്‍ യുവതി ട്രെയിനില്‍ പ്രസവിച്ചു; കുട്ടിക്ക് 25 വര്‍ഷം സൗജന്യ യാത്ര

Published : 20th June 2018 | Posted By: kasim kzm

പാരിസ്: നഗരത്തിലെ തിരക്കേറിയ റൂട്ടുകളിലൊന്നില്‍ ഓടിക്കൊണ്ടിരുന്ന ട്രെയിനില്‍ യുവതി ആണ്‍കുഞ്ഞിന് ജന്‍മംനല്‍കി. തിങ്കളാഴ്ച രാവിലെ 11.40 ഓടെ ജനിച്ച കുഞ്ഞിന് പാരിസ് ട്രാന്‍സ്‌പോര്‍ട്ട് അധികൃതരുടെ വക 25 വര്‍ഷത്തെ സൗജന്യ യാത്രയും സമ്മാനമായി ലഭിച്ചു. യുവതിക്കു പ്രസവവേദന കലശലായതോടെ തൊട്ടടുത്ത സ്‌റ്റേഷനില്‍ ട്രെയിന്‍ നിര്‍ത്തി. റെയില്‍വേ ജീവനക്കാരുടെയും അടിയന്തര വൈദ്യസഹായ സംഘത്തിന്റെയും പോലിസിന്റെയും സഹായത്തോടെയാണു പ്രസവം നടന്നത്.
അപ്രതീക്ഷിത സംഭവത്തെ തുടര്‍ന്ന് തിരക്കേറിയ റൂട്ടില്‍ ഇരുവശങ്ങളില്‍ നിന്നുമുള്ള ട്രെയിനുകള്‍ 45 മിനിറ്റോളം തടഞ്ഞുനിര്‍ത്തി. പ്രസവം നടക്കുമ്പോള്‍ ട്രെയിനിലുണ്ടായിരുന്ന മറ്റു യാത്രക്കാരെ പുറത്തിറക്കിയിരുന്നു. അമ്മയെയും കുഞ്ഞിനെയും അഭിനന്ദിച്ച പാരിസ് ട്രാന്‍സ്‌പോര്‍ട്ട് അധികൃതര്‍ കുഞ്ഞിന് 25 വയസ്സുവരെ സൗജന്യ യാത്രയും വാഗ്ദാനം ചെയ്തു. യുവതിയെയും കുഞ്ഞിനെയും ഉടന്‍ ആശുപത്രിയിലേക്കു മാറ്റി. ഇരുവര്‍ക്കും കുഴപ്പങ്ങളൊന്നുമില്ലെന്ന് അധികൃതര്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss