|    Nov 19 Mon, 2018 10:43 am
FLASH NEWS
Home   >  Todays Paper  >  page 10  >  

പാതയിരട്ടിപ്പിക്കല്‍; ട്രെയിനുകള്‍ക്ക് റൂട്ട്മാറ്റം

Published : 25th October 2018 | Posted By: kasim kzm

തിരുവനന്തപുരം: എറണാകുളം-കോട്ടയം റെയില്‍പ്പാത ഇരട്ടിപ്പിക്കലിന്റെ ഭാഗമായി ട്രെയിനുകള്‍ക്ക് റൂട്ട്മാറ്റം. ഇന്ന് നാലു ട്രെയിനുകള്‍ ആലപ്പുഴ വഴി സര്‍വീസ് നടത്തും. തിരുവനന്തപുരം-ഹൈദരാബാദ് ശബരി എക്‌സ്പ്രസ്, ഹസ്രത് നിസാമുദ്ദീന്‍ തിരുവനന്തപുരം എക്‌സ്പ്രസ്, ഡെറാഡൂണ്‍-കൊച്ചുവേളി എക്‌സ്പ്രസ്, ന്യൂഡല്‍ഹി-തിരുവനന്തപുരം കേരള എക്‌സ്പ്രസ് എന്നീ ട്രെയിനുകളാണിവ.
ആലപ്പുഴ, എറണാകുളം എന്നിവിടങ്ങളില്‍ രണ്ടു മിനിറ്റും ഹരിപ്പാട്, അമ്പലപ്പുഴ, ചേര്‍ത്തല സ്റ്റേഷനുകളില്‍ ഒരു മിനിറ്റും ട്രെയിനുകള്‍ക്ക് സ്റ്റോപ്പേജ് അനുവദിച്ചിട്ടുണ്ട്. റൂട്ട്മാറ്റത്തിന്റെ ഭാഗമായി കന്യാകുമാരി-മുംബൈ ജയന്തി ജനത എക്‌സ്പ്രസ് കോട്ടയത്ത് ഒരു മണിക്കൂര്‍ 20 മിനിറ്റ് പിടിച്ചിടും.
കൊല്ലത്തിനും എറണാകുളത്തിനും ഇടയ്ക്കുള്ള നാലു പാസഞ്ചര്‍ ട്രെയിനുകളും റദ്ദാക്കി. കൊല്ലം എറണാകുളം മെമു, കോട്ടയം വഴിയുള്ള എറണാകുളം-കായംകുളം പാസഞ്ചര്‍ ട്രെയിനുകള്‍ ഇന്നും നാളെയും സര്‍വീസ് നടത്തില്ല. ആലപ്പുഴ വഴിയുള്ള എറണാകുളം-കായംകുളം പാസഞ്ചര്‍ ഇന്നും കോട്ടയം വഴിയുള്ള എറണാകുളം-കൊല്ലം മെമു നാളെയും സര്‍വീസ് നടത്തില്ല. പാത ഇരട്ടിപ്പിക്കലിന്റെ ഭാഗമായി കുറുപ്പന്തറ-ഏറ്റുമാനൂര്‍ മേഖലയിലെ നിര്‍മാണപ്രവര്‍ത്തനങ്ങള്‍ക്കു വേണ്ടിയാണ് റൂട്ട്മാറ്റം.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss