|    Oct 22 Sun, 2017 11:07 pm
FLASH NEWS
Home   >  Todays Paper  >  page 7  >  

പാണ്ഡെയുടെ ഡിഐജി നിയമനത്തിനെതിരേ കോടതിയില്‍ ഹരജി

Published : 5th May 2016 | Posted By: SMR

അഹ്മദാബാദ്: ഇശ്‌റത് ജഹാന്‍ വ്യാജ ഏറ്റുമുട്ടല്‍ കേസിലെ പ്രതി പി പി പാണ്ഡെയെ ഡിജിപിയായി നിയമിച്ചതിനെതിരേ ഗുജറാത്ത് ഹൈക്കോടതിയില്‍ സമര്‍പ്പിച്ച ഹരജി ഫയലില്‍ സ്വീകരിച്ചു. ഹരജി പരിഗണിച്ച ചീഫ് ജസ്റ്റിസ് ആര്‍ സുഭാഷ് റെഡ്ഡി, വി എം പഞ്ചോലി എന്നിവര്‍ സംഭവത്തില്‍ സംസ്ഥാനസര്‍ക്കാരിന്റെ നിലപാട് അറിയിക്കാനും പബ്ലിക് പ്രോസിക്യൂട്ടറോട് ആവശ്യപ്പെട്ടു.
ഗുജറാത്ത്, പഞ്ചാബ് എന്നിവിടങ്ങളില്‍ ഡിജിപി ആയിരുന്ന ജൂലിയോ റിബിറോ ആണ് പാണ്ഡെക്കെതിരേ ഹരജി നല്‍കിയത്. വ്യാജ ഏറ്റുമുട്ടല്‍ കേസില്‍ പ്രതിയായ പാണ്ഡെയെ ഡിജിപി സ്ഥാനത്തേക്കു പരിഗണിക്കാനാവില്ലെന്നു ചൂണ്ടിക്കാണിച്ചാണ് റിബിറോ ഹരജി നല്‍കിയത്.
കേസ് വാദം കേള്‍ക്കുന്നതിനായി ജൂണ്‍ 8 ലേക്കു മാറ്റി. വ്യാജ ഏറ്റുമുട്ടല്‍ കേസിന്റെ അന്വേഷണം തടസ്സപ്പെടുത്താനും സാക്ഷികളെ സ്വാധീനിക്കാനും പാണ്ഡെയുടെ നിയമനം കാരണമാവുമെന്നു ഹരജിയില്‍ പറയുന്നു. ഇശ്‌റത് ജഹാന്‍ കേസില്‍ അറസ്റ്റിലായ പാണ്ഡെയെ ജാമ്യം ലഭിച്ചതിനെത്തുടര്‍ന്ന് സര്‍വീസില്‍ തിരിച്ചെടുക്കുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക