|    Apr 23 Mon, 2018 9:01 pm
FLASH NEWS

പാടശേഖരത്തില്‍ കിണര്‍ നിര്‍മിക്കാനുള്ള നീക്കം റവന്യൂ കൃഷി വകുപ്പ് അധികൃതര്‍ തടഞ്ഞു

Published : 15th March 2018 | Posted By: kasim kzm

കുന്നംകുളം: പാടശേഖരത്തില്‍ കിണര്‍ നിര്‍മിക്കാനുള്ള നീക്കം റവന്യൂ, കൃഷി വകുപ്പ് അധികൃതര്‍ തടഞ്ഞു. പുതുശ്ശേരി പാടശേഖരത്തിലാണ് അനധികൃതമായി കിണര്‍ നിര്‍മ്മിക്കാനുള്ള ഉടമയുടെ നീക്കം ഉദ്യോഗസ്ഥര്‍ തടഞ്ഞത്.
എല്ലാ വര്‍ഷവും കൃഷിയിറക്കുന്ന പാടശേഖരത്തിലാണ് ഉടമ കിണര്‍ നിര്‍മ്മാണം നടത്തിയിരുന്നത്. കിണര്‍ നിര്‍മ്മിച്ചാല്‍ പാടശേഖരത്തിലേക്ക് ട്രാക്ടര്‍, കൊയ്ത്തുയന്ത്രം എന്നിവ പ്രവേശിക്കുന്നതിന് തടസ്സമാകുമെന്നതിനാല്‍ പാടശേഖരത്തിലെ മറ്റ് കര്‍ഷകര്‍ നല്‍കിയ പരാതിയെതുടര്‍ന്നാണ് കിണര്‍ നിര്‍മ്മാണം നിര്‍ത്തിവെപ്പിച്ചത്. കിണര്‍ നിര്‍മിച്ച ശേഷം മണ്ണിട്ട് പാടം നടത്താനുള്ള നീക്കമായിരുന്നു സ്ഥലം ഉടമ നടത്തിയിരുതെന്നാണ് കര്‍ഷകര്‍ ആരോപിക്കുന്നത്. പഞ്ചായത്ത് ഭരണാധികാരികളും വില്ലേജ് അധികൃതരും കൃഷി വകുപ്പ് ഉദ്യോഗസ്ഥരും സ്ഥലത്ത് എത്തി പരിശോധന നടത്തിയതിനെ തുടര്‍ന്നാണ് കിണര്‍ നിര്‍മ്മാണത്തിന് സ്‌റ്റോപ്പ് മെമ്മോ നല്‍കിയത്. പച്ചക്കറി കൃഷി നടത്താന്‍ വെള്ളം ലഭ്യമാക്കുന്നതിനായാണ് കിണര്‍ നിര്‍മ്മിക്കുന്നതെന്നായിരുന്നു ഉടമയുടെ വാദം. കിണര്‍ നിര്‍മ്മിക്കാന്‍ ബന്ധപ്പെട്ട വകുപ്പുകളിലൊന്നും അപേക്ഷ നല്‍കിയിരുന്നില്ലെന്നും പറയുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss