|    May 24 Wed, 2017 2:14 am
FLASH NEWS

പാടത്ത് നൂറുമേനി വിളയിക്കാന്‍ യുവാക്കള്‍ രംഗത്ത്

Published : 19th May 2017 | Posted By: fsq

 

പൂച്ചാക്കല്‍: പാടത്ത് നൂറുമേനി വിളയിക്കാന്‍ പള്ളിപ്പുറത്തെ യുവാക്കള്‍ പകലന്തിയോളം പണിയില്‍. കൃഷിയില്‍ നിന്നകന്നു പോവുന്ന ന്യൂജനറേഷന് മാതൃകയാവുകയാണ് യുവാക്കളുടെ ഈ കൂട്ടായ്മ. പള്ളിപ്പുറം ഗ്രാമപ്പഞ്ചായത്ത് എട്ടാം വാര്‍ഡില്‍ പത്തേക്കറോളം വരുന്ന നെടിയാട് പാടശേഖരത്തിലാണ് യുവാക്കളുടെ നേതൃത്വത്തില്‍ നെല്‍ക്കൃഷി തുടങ്ങുന്നത്. ഡിവൈഎഫ്‌ഐ പള്ളിപ്പുറം മേഖലാ കമ്മിറ്റിയുടെ നേതൃത്വത്തില്‍ ആരംഭിച്ച നെടിയാട് നെല്ലുല്‍പാദക സഹകരണ സംഘം എന്ന പേരിലുള്ള കര്‍ഷക തല്‍പര സംഘമാണ് നെല്‍കൃഷി നടത്തുന്നത്. കഴിഞ്ഞ മാസം 28ന് സംസ്ഥാന യുവജനക്ഷേമ ബോര്‍ഡംഗം മനു സി പുളിക്ക ല്‍ നിലമൊരുക്കലിന്റെ ഉദ്ഘാടനം നിര്‍വഹിച്ചു.  20ന് രാവിലെ ഏഴിന് ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍ വിത്തു വിതയ്ക്കും. 2012ല്‍ ഗ്രാമപ്പഞ്ചായത്തംഗമായിരുന്ന എന്‍ കെ സിബുവിന്റെ നേതൃത്വത്തില്‍ ഇവിടെ നടത്തിയ നെല്‍ക്കൃഷി വിജയമായിരുന്നു. മേഖലാ സെക്രട്ടറി ജിതീഷ് സിദ്ധാര്‍ത്ഥന്‍, പ്രസിഡന്റ് പി എസ് മനീഷ്, എസ് സംഗീത്, പി ആര്‍ ഹരിക്കുട്ടന്‍, എന്‍ കെ സിബു എന്നിവര്‍ പ്രവര്‍ത്തനങ്ങള്‍ക്ക് നേതൃത്വം നല്‍കുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day