|    Nov 24 Fri, 2017 3:56 am
FLASH NEWS
Home   >  Todays Paper  >  page 7  >  

പാക് വീഡിയോ പ്രചരിപ്പിച്ച് സംഘര്‍ഷമുണ്ടാക്കാന്‍ സംഘപരിവാര ശ്രമം

Published : 24th June 2017 | Posted By: fsq

മുംബൈ:  ഐസിസി ചാംപ്യന്‍സ് ട്രോഫിയില്‍ പാകിസ്താന്റെ വിജയം ആഘോഷിക്കുന്ന പാകിസ്താനികളുടെ വീഡിയോ ദൃശ്യങ്ങള്‍ ഇന്ത്യന്‍ മുസ്‌ലിംകളുടേതെന്ന പേരില്‍ സാമൂഹ്യ മാധ്യമങ്ങളില്‍ പ്രചരിപ്പിച്ച് സംഘര്‍ഷമുണ്ടാക്കാന്‍ സംഘപരിവാരത്തിന്റെ ഓണ്‍ലൈന്‍ സ്വയം സേവകര്‍. വെള്ള കുപ്പായവും തൊപ്പിയുമണിഞ്ഞ് ആഘോഷത്തിലേര്‍പ്പെട്ട ആള്‍കൂട്ടത്തിന്റെ ദൃശ്യങ്ങള്‍ മുംബൈ മിറാ റോഡിലെ പള്ളിയില്‍ നിന്നുള്ളതാണെന്നാണ് പ്രചാരണം. എന്നാല്‍, ട്വിറ്ററിലും വാട്‌സ്ആപ്പിലും പ്രചരിക്കുന്ന ദൃശ്യങ്ങൡ പിടിവി എന്ന പാകിസ്താന്റെ കായിക ചാനല്‍ വ്യക്തമായി കാണാം. ഇത് പാകിസ്താനില്‍ സംപ്രേഷണം ചെയ്യുന്നതാണ്. ഈ ദൃശ്യങ്ങള്‍ മുംബൈയില്‍ നിന്നുള്ളതല്ലെന്നും പള്ളിയില്‍ ടിവികള്‍ സ്ഥാപിക്കില്ലെന്നും അന്വേഷണ ഉദ്യോഗസ്ഥന്‍ വ്യക്തമാക്കി.ദൃശ്യങ്ങള്‍ പാകിസ്താനില്‍ നിന്നു പകര്‍ത്തിയതാണെന്ന് വ്യക്തമായതോടെ ദുഷ്ടലാക്കോടെ ഈ ദൃശ്യങ്ങള്‍ പ്രചരിപ്പിച്ച സ്വയം സേവകരുടെ കള്ളം പൊളിഞ്ഞിരിക്കുകയാണ്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക