|    Jun 23 Sat, 2018 12:39 am
FLASH NEWS
Home   >  Todays Paper  >  page 9  >  

പാക് എയര്‍ലൈന്‍സ് ജീവനക്കാരെ ലണ്ടനില്‍ തടഞ്ഞുവച്ചു

Published : 17th May 2017 | Posted By: fsq

 

ലണ്ടന്‍: സുരക്ഷാഭീഷണി ആരോപിച്ചു പാകിസ്താന്‍ ഇന്റര്‍നാഷനല്‍ എയര്‍ലൈന്‍സിലെ (പിഐഎ) 14 ജീവനക്കാരെ ലണ്ടനില്‍ തടഞ്ഞുവച്ചു. ലണ്ടന്‍ ഹീത്രൂ വിമാനത്താവളത്തില്‍ തിങ്കളാഴ്ചയാണ് സംഭവം. ജീവനക്കാരെ രണ്ടു മണിക്കൂറിലേറെ നേരം ചോദ്യംചെയ്തു. സുരക്ഷാഭീഷണിയെ തുടര്‍ന്നാണ് ജീവനക്കാരെ തടഞ്ഞുവച്ചതെന്നാണ് ഔദ്യോഗിക ഭാഷ്യം. കൂടുതല്‍ വിശദാംശങ്ങള്‍ പുറത്തുവന്നിട്ടില്ല. പാകിസ്താനില്‍ നിന്ന് ലണ്ടനിലേക്ക് പോയ പാക് ഇന്റര്‍നാഷനല്‍ എയര്‍ലൈന്‍സിന്റെ പികെ 785 എന്ന വിമാനത്തിലെ ജീവനക്കാരെയാണ് തടഞ്ഞുവച്ചത്. പൈലറ്റ് അടക്കമുള്ള ജീവനക്കാരെയാണ് ബ്രിട്ടിഷ് പോലിസായ യുകെ ബോര്‍ഡര്‍ ഏജന്‍സി (യുകെബിഎ) ചോദ്യംചെയ്തത്. യാത്രക്കാരെയെല്ലാം പുറത്തിറക്കിയ ശേഷമാണ് ജീവനക്കാരെ താല്‍ക്കാലികമായി തടഞ്ഞുവച്ചതും ചോദ്യം ചെയ്തതും. വിമാനത്തില്‍ വിശദ പരിശോധന നടന്നതായും പിഐഎ വക്താവ് മശ്ഹൂദ് താജ്വാറിനെ ഉദ്ധരിച്ച് പാക് മാധ്യമം ഡോണ്‍ റിപോര്‍ട്ട് ചെയ്തു. ചൊവ്വാഴ്ച രാവിലെ 11.30ന് ലാഹോറില്‍ തിരിച്ചെത്തേണ്ട വിമാനമായിരുന്നു ഇത്.അതേമസമയം, വിമാനജീവനക്കാരെ ഹീത്രൂ വിമാനത്താവളത്തില്‍ തടഞ്ഞുവച്ചിട്ടില്ലെന്നു പിഐഎ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss