|    Sep 19 Wed, 2018 6:09 pm
FLASH NEWS
Home   >  Todays Paper  >  page 7  >  

പാകിസ്താന്‍ വെടിവയ്പ്; രണ്ട് ഇന്ത്യന്‍ സൈനികര്‍ കൊല്ലപ്പെട്ടു

Published : 4th June 2018 | Posted By: kasim kzm

ജമ്മു: പാകിസ്താന്‍ വീണ്ടും വെടിനിര്‍ത്തല്‍ ലംഘിച്ചു. പാക്-ഇന്ത്യ സൈനിക മേധാവികള്‍ വെടിനിര്‍ത്തല്‍ കരാറിലേര്‍പ്പെട്ട് ഒരാഴ്ച്ച തികയുന്നതിന് മുമ്പായാണ് അന്താരാഷ്ട്ര അതിര്‍ത്തിയില്‍ പാകിസ്താന്‍ സൈന്യം വെടിവച്ചത്. സംഭവത്തില്‍ രണ്ട് ബിഎസ്എഫ് ജവാന്‍മാര്‍ കൊല്ലപ്പെട്ടു. പ്രഗ്‌വാള്‍ മേഖലയിലെ അതിര്‍ത്തിയില്‍ ഇന്നലെ രാവിലെയാണ് വെടിവയ്പ് ആരംഭിച്ചത്. വെടിയേറ്റ സൈനികരെ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. പാക് ആക്രമണത്തില്‍ പ്രദേശവാസികള്‍ക്കും പരിക്കേറ്റുവെന്നാണു വിവരം. പാക് പ്രകോപനത്തിന് ശക്തമായ തിരിച്ചടി നല്‍കിയെന്നും ബിഎസ്എഫ് അധികൃതര്‍ അറിയിച്ചു.
അതേസമയം ജമ്മുകശ്മീര്‍ അതിര്‍ത്തിയിലെ പാക് നുഴഞ്ഞുകയറ്റ ശ്രമം ബിഎസ്എഫ് തടഞ്ഞു. നുഴഞ്ഞുകയറ്റ ശ്രമത്തിനിടെ ഒരാള്‍ കൊല്ലപ്പെട്ടതായി സൈന്യം അറിയിച്ചു. ഇയാളില്‍ നിന്ന് എകെ 47നും മാഗസിനുകളും കണ്ടെടുത്തതായും ബിഎസ്എഫ് അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss