|    Aug 20 Sun, 2017 12:17 am
FLASH NEWS
Home   >  National   >  

പാകിസ്താനില്‍ ഇന്ധന ടാങ്കര്‍ ലോറിക്ക് തീപിടിച്ചു; 123 മരണം

Published : 25th June 2017 | Posted By: mi.ptk

ഇസ്‌ലാമാബാദ്: പാകിസ്താനിലെ ഭഹവല്‍പുരില്‍ ടാങ്കര്‍ ലോറിക്ക് തീപിടിച്ച് 123 മരണം. നൂറിലധികം പേര്‍ക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. പലരുടെയും നില ഗുരുതരമാണെന്നാണ് റിപ്പോര്‍ട്ട്.  ഇന്ന് പുലര്‍ച്ചെ ബഹവല്‍പുര്‍ നഗരത്തിലെ അഹമ്മദ്പുര്‍ ശരഖിയ മേഖലയിലാണ് അപകടം. ലാഹോറിലേക്ക് ഇന്ധനവുമായി പോകുകയായിരുന്ന ടാങ്കര്‍ നിയന്ത്രണം വിട്ട് തലകീഴായ് മറിയുകയായിരുന്നു. ഇന്ധന ചോര്‍ച്ചയുണ്ടായതിനെ തുടര്‍ന്ന് ടാങ്കറിന് തീപിടിച്ചു. അപകടം നടന്നത് നഗരത്തിലെ തിരക്കേറിയ പ്രദേശത്തായതാണ് മരണസംഖ്യ ഉയരാന്‍ കാരണമായത്.
ടാങ്കര്‍ മറിഞ്ഞപ്പോള്‍ ചോര്‍ന്ന ഇന്ധനം ശേഖരിക്കാന്‍ ആളുകള്‍ ഓടിക്കൂടിയതാണ് മരണസംഖ്യ ഉയരാന്‍ കാരണമെന്നും പറയപ്പെടുന്നുണ്ട്.
അപകടസ്ഥലത്തുണ്ടായിരുന്ന വാഹനങ്ങളും കത്തി നശിച്ചു. തീ പൂര്‍ണമായും നിയന്ത്രണ വിധേയമായതായും പ്രദേശത്ത് രക്ഷാപ്രവര്‍ത്തനം തുടരുന്നതായും പാക് മാധ്യമങ്ങള്‍ റിപ്പോര്‍ട്ട് ചെയ്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക