|    Nov 16 Fri, 2018 11:10 am
FLASH NEWS

പഴങ്ങളുടെ രാജാവ് റംബൂട്ടാന്‍ കാളികാവ് തെരുവില്‍ സുലഭം

Published : 9th June 2017 | Posted By: fsq

 

കാളികാവ്: പഴങ്ങളിലെ രാജാവും അറബികളുടെ പ്രിയങ്കരനുമായ റംബൂട്ടാന്‍ കാളികാവ് തെരുവില്‍ നിസ്സാരന്‍. കിലോയ്ക്ക് 400 രൂപയോളം വിലയുള്ള ഈ പഴ സുമുഖന്‍ കാളികാവില്‍ വില്‍ക്കുന്നത് 200 രൂപയ്ക്ക്. അടക്കാക്കുണ്ട് പോത്തന്‍ കാടന്‍ മുഹമ്മദ് എന്ന കര്‍ഷകന്‍ സ്വന്തം തോട്ടത്തില്‍ വിളയിച്ചെടുത്താണ് റംബുട്ടാന്‍ റമദാന്‍ വിപണിയില്‍ കുറഞ്ഞ വിലയ്ക്ക് വില്‍പ്പന നടത്തുന്നത്. വിവിധയിനം പഴങ്ങള്‍ കൃഷി ചെയ്യലാണ് ഇദ്ദേഹത്തിന്റെ ഹോബി.പഴങ്ങളില്‍ ഏറ്റവും വിലപിടിപ്പുള്ളതും സ്വാദിഷ്ടവും പോഷക സമ്പുഷ്ടവുമായ റംബൂട്ടാന്‍ കേരളത്തിന്റെ കാലാവസ്ഥയില്‍ വിളയില്ല എന്ന ധാരണയാണ് മുഹമ്മദ് തിരുത്തിയത്.  ജൂണ്‍, ജൂലൈ ആണ് ഇതിന്റെ വിളവെടുപ്പു കാലം.  വിദേശിയായതിനാല്‍ പഴച്ചന്തയില്‍ അപൂര്‍വമായിട്ടെ ഇതിനെ കാണാന്‍ കഴിയൂ. മുഹമ്മദ് സ്വന്തം വാഹനത്തിലാണ് വില്‍പ്പന നടത്തുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss