|    Dec 15 Sat, 2018 7:00 pm
FLASH NEWS

പഴകിയ മല്‍സ്യം പിടികൂടി

Published : 8th June 2018 | Posted By: kasim kzm

മാനന്തവാടി: മഴക്കാല പ്രതിരോധ പ്രവര്‍ത്തനങ്ങളുടെ ഭാഗമായി നടത്തിയ പരിശോധനയില്‍ ഉപയോഗശൂന്യമായതും ചീഞ്ഞതുമായ മല്‍സ്യം പിടികൂടി. എടവക ഗ്രാമപ്പഞ്ചായത്ത് ജീവനക്കാരും ആരോഗ്യവകുപ്പ് ഉദ്യോഗസ്ഥരും നടത്തിയ പരിശോധനയിലാണ് പാണ്ടിക്കടവ് ബര്‍ക്കത്ത് ചിക്കന്‍ സ്റ്റാളില്‍    വില്‍പനയ്ക്കു വച്ചിരുന്ന ഏകദേശം 75 കിലോയോളം മല്‍സ്യം പിടികൂടിയത്.
ഓല മീന്‍, അയല, കിളിമീന്‍ എന്നിവയാണ് പിടികൂടി നശിപ്പിച്ചത്. ആദ്യഘട്ടമെന്ന നിലയ്ക്ക് പിഴ ഈടാക്കാതെ രണ്ടു ദിവസത്തിനുള്ളില്‍ കട മുഴുവന്‍ വൃത്തിയാക്കിയതിനു ശേഷം മാത്രമേ വില്‍പന നടത്താന്‍ പാടുള്ളൂവെന്ന കര്‍ശന നിര്‍ദേശം നല്‍കി.
ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ എസ് പ്രശാന്ത്, എം വി സജോയ്, സ്‌നോബി അഗസ്റ്റിന്‍, ഗ്രാമപ്പഞ്ചായത്ത് സെക്രട്ടറി ഇ കെ ബാലകൃഷ്ണന്‍, അസിസ്റ്റന്റ് സെക്രട്ടറി എസ് ശ്രീകുമാര്‍ ജീവനക്കാരായ ജി മനോജ്, എന്‍ പി അഭിലാഷ് എന്നിവരുടെ നേതൃത്വത്തിലായിരുന്നു പരിശോധന.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss