|    Nov 25 Sat, 2017 12:20 am
FLASH NEWS

പഴകിയ ഭക്ഷണ സാധനങ്ങള്‍ പിടികൂടി

Published : 29th June 2016 | Posted By: SMR

കോതമംഗലം: നഗരത്തിലെ ഹോട്ടലുകളില്‍ ആരോഗ്യവകുപ്പിന്റെ പരിശോധന. പഴകിയ ഭക്ഷണ സാധനങ്ങള്‍ പിടികൂടി. ഇന്നലെ ആരോഗ്യ വകുപ്പ് ഉദ്യോഗസ്ഥര്‍ നഗരത്തില്‍ നടത്തിയ പരിശോധനയില്‍ രണ്ട് ഹോട്ടലുകളില്‍നിന്നും ഒരു ആശുപത്രി കാന്റീനില്‍നിന്നുമാണ് ഭക്ഷണ സാധനങ്ങള്‍ പിടിച്ചെടുത്തത്.
പത്തോളം സ്ഥാപനങ്ങളിലാണ് റെയ്ഡ് നടത്തിയത്. മറ്റ് ഹോട്ടലുകളില്‍ വൃത്തിഹീനമായി കിടക്കുന്ന അടുക്കളകളില്‍ നിശ്ചിത ദിവസങ്ങള്‍ക്കുള്ളില്‍മാറ്റം വരുത്തി റിപോര്‍ട്ട് നല്‍കാന്‍ നിര്‍ദേശം നല്‍കി. പഴകിയ ഭക്ഷണ സാധനങ്ങള്‍ പിടികൂടിയ കോഴിപ്പിള്ളി പാര്‍ക്കില്‍ പ്രവര്‍ത്തിക്കുന്ന പാരഗണ്‍ പാര്‍ക്ക്, പോലിസ് സ്‌റ്റേഷനു സമീപമുള്ള ഹോട്ടല്‍ വുഡ് ലാന്റ്‌സ്, ധര്‍മഗിരി ആശുപത്രി കാന്റീന്‍ എന്നീ സ്ഥാപനങ്ങളെ കുറിച്ചുള്ള റിപോര്‍ട്ട് മുനിസിപ്പല്‍ സെക്രട്ടറിക്ക് കൈമാറി. ഇവരില്‍നിന്നും പിഴ ഈടാക്കുമെന്നും ഉദ്യോഗസ്ഥര്‍ അറിയിച്ചു. വരും ദിവസങ്ങളിലും പരിശോധന ശക്തമാക്കുമെന്നും ഉദ്യോഗസ്ഥര്‍ പറഞ്ഞു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക