|    May 23 Wed, 2018 9:18 am
Home   >  Kerala   >  

പള്‍സര്‍ സുനിയുടെ സഹതടവുകാരന്‍ ബ്ലാക്ക്‌മെയില്‍ ചെയ്തു;ദിലീപും നാദിര്‍ഷയും പരാതി നല്‍കി

Published : 24th June 2017 | Posted By: mi.ptk

കൊച്ചി: കൊച്ചിയില്‍ നടിയെ തട്ടികൊണ്ടുപോയ കേസില്‍ പിടിയിലായ പള്‍സര്‍ സുനിയുടെ സഹതടവുകാരന്‍ ബ്ലാക്ക്‌മെയില്‍ ചെയ്തതായി നടന്‍ ദിലീപും ഗായകനും സംവിധായകനുമായ നാദിര്‍ഷയും. പള്‍സര്‍ സുനിയുടെ സഹതടവുകാരനായിരുന്ന വിഷ്ണുവാണ് ഭീഷണിപ്പെടുത്തിയത്. ഒന്നര കോടി രൂപ നല്‍കണമെന്നും അല്ലെങ്കില്‍ ദിലീപിന്റെ പേര് പറയുമെന്നും പറഞ്ഞായിരുന്നു ഭീഷണി. ഫോണ്‍ ശബ്ദരേഖ അടക്കമുള്ള തെളിവുകളോടെയാണ് ഡിജിപിക്ക് പരാതി നല്‍കിയിരിക്കുന്നത്.
രണ്ട് മാസം മുന്‍പാണ് പരാതി നല്‍കിയത്. ദിലീപിന്റെ പേര് പറഞ്ഞാല്‍ രണ്ടര കോടി രൂപ വരെ നല്‍കാന്‍ ആളുണ്ടെന്ന് വിഷ്ണു പറഞ്ഞതായും പരാതിയില്‍ പറയുന്നുണ്ട്. ദിലീപിനെ കേസിലേക്ക് വലിച്ചിഴക്കാന്‍ സിനിമയിലെ ചിലര്‍ ശ്രമിക്കുന്നുണ്ടെന്നാണ് വിഷ്ണു പറഞ്ഞതെന്ന് നാദിര്‍ഷ പറഞ്ഞു. ചില നടിമാരുടെ പേരുപോലും അതില്‍ ഉണ്ടായിരുന്നു.എന്നാല്‍ അതൊന്നും തങ്ങള്‍ വിശ്വസിച്ചിട്ടില്ല. ഇനിയെങ്കിലും സംഭവത്തിന് പിന്നിലെ സത്യാവസ്ഥ പുറത്തുകൊണ്ടുവരണമെന്നും നാദിര്‍ഷ പറഞ്ഞു.
തനിക്കെതിരെ നടക്കുന്ന ഗൂഢാലോചനയുടെ ഭാഗമാണിതെന്ന് ദിലീപ് പ്രതികരിച്ചു. തന്റെ എല്ലാ സിനിമ പുറത്തിറങ്ങുമ്പോഴും ഇത്തരത്തിലുള്ള വിവാദങ്ങള്‍ പതിവാണ്. സിനിമയില്‍ തന്നെ തകര്‍ക്കാനുള്ള ശ്രമമാണ് ഇതെന്നും ദിലീപ് ആരോപിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss