|    Feb 20 Tue, 2018 1:40 am
FLASH NEWS
Home   >  National   >  

പള്ളിയില്‍ നിന്നിറങ്ങിയ കശ്മീരി വിദ്യാര്‍ഥികള്‍ക്ക് മര്‍ദ്ദനം;അന്വേഷണം വേണമെന്ന് മെഹബൂബ മുഫ്തി

Published : 3rd February 2018 | Posted By: mi.ptk

ന്യൂഡല്‍ഹി: ഹരിയാനയില്‍ പള്ളിയില്‍ നിന്ന് നമസ്‌കാരം കഴിഞ്ഞ് മടങ്ങിയ കശ്മീരി വിദ്യാര്‍ഥികളെ മര്‍ദ്ദിച്ചു. വെള്ളിയാഴ്ച  മഹേന്ദ്രഗഡില്‍ ആണ് സംഭവം. ഹരിയാന കേന്ദ്ര സര്‍വകലാശാലയില്‍ ഭൂമിശാസ്ത്ര വിഭാഗത്തിലെ രണ്ട് വിദ്യാര്‍ഥികളാണ് അക്രമത്തിനിരയായത്. പള്ളിയില്‍ നിന്ന് മടങ്ങുകയായിരുന്ന വിദ്യാര്‍ഥികളെ ഒരു സംഘം പിന്‍തുടരുകയും മര്‍ദ്ദിക്കുകയുമായിരുന്നു. പരിക്കേറ്റ വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചു.

വിദ്യാര്‍ഥികള്‍ സര്‍വകലാശാല അധികൃതര്‍ക്ക് പരാതി നല്‍കി. മര്‍ദ്ദനത്തിനു പിന്നിലെ കാരണം വ്യക്തമല്ല.
അതേസമയം, സംഭവത്തില്‍ അന്വേഷണം ആവശ്യപ്പെട്ട് കശ്മീര്‍ മുഖ്യമന്ത്രി മെഹബൂബ മുഫ്തി രംഗത്തെത്തി. സംഭവം അസ്വസ്ഥതയുണ്ടാക്കുന്നതാണെന്നും അതിക്രമികള്‍ക്കെതിരെ ഉടന്‍ നടപടി സ്വീകരിക്കണമെന്നും മെഹബൂബ മുഫ്തി തന്റെ ട്വിറ്ററില്‍ കുറിച്ചു. ട്വീറ്റ് ഹരിയാന മുഖ്യമന്ത്രിക്ക് ടാഗ് ചെയ്തിട്ടുമുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss