|    Nov 19 Mon, 2018 11:50 pm
FLASH NEWS
Home   >  National   >  

പലതവണ കാണാന്‍ ശ്രമിച്ചിട്ടും അനുവാദം തന്നില്ല, കേരളത്തെ അപമാനിക്കുന്നു: പ്രധാനമന്ത്രിക്കെതിരെ പിണറായി

Published : 23rd June 2018 | Posted By: Jasmi JMI

ന്യൂഡല്‍ഹി: പ്രധാനമന്ത്രി നരേന്ദ്രമോദിക്കെതിരെ രൂക്ഷ വിമര്‍ശനവുമായി മുഖ്യമന്ത്രി പിണറായി വിജയന്‍. സംസ്ഥാനവുമായി ബന്ധപ്പെട്ട വിഷയങ്ങള്‍ക്കായി നിവേദനം സമര്‍പ്പിക്കാന്‍ പലതവണ ശ്രമിച്ചിട്ടും അനുമതി നിഷേധിച്ചു. നിവേദനം നല്‍കാനെത്തിയ തന്നോട് വകുപ്പ് മന്ത്രിയെ കാണാന്‍ ആണ് പ്രധാനമന്ത്രി അറിയിച്ചത്. ഇത് രാജ്യത്തിന്റെ ചരിത്രത്തില്‍ തന്നെ ആദ്യമാണ് എന്നും പിണറായി തുറന്നടിച്ചു. ഫെഡറല്‍ സംവിധാനത്തെ മാനിക്കാന്‍ കേന്ദ്രം തയ്യാറാവേണ്ടതുണ്ട്.
നാടിന്റെ പൊതുവായ വളര്‍ച്ച കേന്ദ്രസര്‍ക്കാരിന്റെ ഈ നിലപാട് കാരണം തടസ്സപ്പെടുന്നുണ്ട്. കേരളത്തില്‍ പലമേഖലയുടെയും തകര്‍ച്ചയ്ക്ക് വഴി വയ്ക്കുന്നത് കേന്ദ്രനയമാണെന്നും റെയില്‍വേ വികസനത്തിന് കേരളം ഭൂമി നല്‍കുന്നില്ലെന്ന ആരോപണം തെറ്റിദ്ധാരണമൂലമാണെന്നും അദ്ദേഹം പറഞ്ഞു. സംതൃപ്തമായ സംസ്ഥാനവും ശക്തമായ കേന്ദ്രവുമാണ് വേണ്ടത്. കേരളത്തോട് മാത്രമാണ് പ്രധാനമന്ത്രി ഈ അവഗണന കാണിക്കുന്നതെന്നും പിണറായി വിജയന്‍ പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss