|    Sep 25 Tue, 2018 5:07 pm
FLASH NEWS

പരേതര്‍ക്ക് പെന്‍ഷന്‍ നല്‍കി പണം തട്ടിയ സംഭവം: സിപിഎം ബ്രാഞ്ച് സെക്രട്ടറി ഒളിവില്‍

Published : 10th December 2017 | Posted By: kasim kzm

ആലത്തൂര്‍: അയിലൂര്‍ ഗ്രാമപ്പഞ്ചായത്തിലെ മരിച്ചവര്‍ക്ക് പെന്‍ഷന്‍ നല്‍കിയ സംഭവത്തില്‍ കേസെടുത്ത ബ്രാഞ്ച് സെക്രട്ടറി ഒളിവിലെന്ന് പോലിസ്. സിപിഎം ഒലിപ്പാറ ബ്രാഞ്ച് സെക്രട്ടറി സുന്ദരനാണ് ഒളിവില്‍ പോയിരിക്കുന്നത്. അയിലൂര്‍ ഗ്രാമപ്പഞ്ചായത്തിലെ അടിപ്പെരണ്ട, തെങ്ങുംപാടം ഭാഗത്ത് മരിച്ചവര്‍ക്ക് പെന്‍ഷന്‍ വിതരണം നല്‍കിയതായി രേഖപ്പെടുത്തി പണം തിരിമറി നടത്തിയെന്ന പരാതിയിലാണ് സുന്ദരനെതിരെ നെന്മാറ പോലിസ് കേസെടുത്തത്. അയിലൂര്‍ സഹകരണ ബാങ്കിന്റെ പെന്‍ഷന്‍ വിതണത്തിന്റെ ചുമതലയുള്ളയാളാണ് ബ്രാഞ്ച് സെക്രട്ടറി കൂടിയായ സുന്ദരന്‍. കഴിഞ്ഞ ദിവസം പോലിസ് ഇദ്ദേഹത്തിന്റെ വീട് റെയ്ഡ് നടത്തിയങ്കെിലും പിടികൂടാനായില്ല. ബന്ധുക്കുളുടെ വീടുകളിലും പരിശോധന നടത്തുകയും ചെയ്തു. ഡിസംബര്‍ ഒന്നുമുതല്‍ മൊബൈല്‍ ഫോണ്‍ സ്വച്ച് ഓഫ് ചെയ്ത നിലയിലാണ്. ഇതോടെ മൊബൈല്‍ ടവര്‍ കേന്ദ്രീകരിച്ചുള്ള പരിശോധന നടത്തുമെന്ന് നെന്മാറ സിഐ പറഞ്ഞു. ഇതിനിടെ പാര്‍ട്ടി തലത്തിലുള്ള നടപടിയുടെ ഭാഗമായി സിപിഎം ബ്രാഞ്ച് സെക്രട്ടറിയോട് വിശദീകരണം ചോദിക്കാന്‍ കൊല്ലങ്കോട് ഏരിയാ കമ്മിറ്റി  തീരുമാനിച്ചു. വിശദീകരണ നോട്ടീസ് നേരിട്ട് നല്‍കാന്‍ കഴിയാത്തതിനാല്‍ കഴിഞ്ഞ ദിവസം നോട്ടീസ് വീട്ടുകാരുടെ പക്കല്‍ നല്‍കിയിരിക്കുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss