|    Mar 24 Fri, 2017 9:43 pm
FLASH NEWS

പരീക്ഷപ്പേടിയില്‍ ആത്മഹത്യചെയ്ത വിദ്യാര്‍ഥിനിക്ക് എ പ്ലസ്

Published : 28th April 2016 | Posted By: SMR

മൂവാറ്റുപുഴ: എസ്എസ്എല്‍സി പരീക്ഷപ്പേടിയില്‍ മനംനൊന്ത് ആത്മഹത്യചെയ്ത വിദ്യാര്‍ഥിനിക്ക് എഴുതിയ വിഷയത്തിനെല്ലാം എ പ്ലസ്. പുതുപ്പാടി കളരിക്കുടിയില്‍ കുര്യാക്കോസിന്റെ മകള്‍ അക്‌സ(15)യാണ് കഴിഞ്ഞ മാര്‍ച്ച് 21ന് വീടിനുള്ളില്‍ തീകൊളുത്തി മരിച്ചത്. എസ്എസ്എല്‍സി പരീക്ഷയെഴുതിക്കൊണ്ടിരിക്കെയാണ് നാടിനെ ദുഃഖത്തിലാഴ്ത്തി അക്‌സ മരണത്തിനു കീഴടങ്ങിയത്. കണക്കിന് മാര്‍ക്ക് കുറയുമെന്ന് മാതാവ് സിബിയോട് അക്‌സ മരിക്കുന്നതിനു മുമ്പ് പറഞ്ഞിരുന്നു. മാതാവ് വീട്ടിലുള്ളപ്പോഴാണ് അക്‌സ മുറിയില്‍ കയറി മണ്ണെണ്ണയൊഴിച്ചു തീകൊളുത്തിയത്. എറണാകുളത്ത് സ്വകാര്യ ആശുപത്രിയില്‍ ചികില്‍സയിലിരിക്കെ പിറ്റേദിവസം അക്‌സ മരിച്ചു.
മൂവാറ്റുപുഴ നിര്‍മല ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിനിയായിരുന്ന അക്‌സ പഠനത്തില്‍ മികവു പുലര്‍ത്തിയിരുന്നതായി അധ്യാപകര്‍ പറഞ്ഞു. അവസാനത്തെ മൂന്നുവിഷയങ്ങള്‍ ഒഴികെയുള്ള പരീക്ഷകളെല്ലാം കുട്ടി എഴുതിയിരുന്നു. ഫലം വന്നപ്പോള്‍ എഴുതിയ വിഷയങ്ങളെല്ലാം എ പ്ലസോടെ അക്‌സ വിജയിച്ചതറിഞ്ഞ് ദുഃഖം താങ്ങാനാവാതെ അധ്യാപകരും സഹപാഠികളും വിതുമ്പി.

(Visited 301 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക