|    Jun 18 Mon, 2018 10:40 pm

പരാധീനതകളുടെ നടുവില്‍ മങ്കര റെയില്‍വേ സ്റ്റേഷന്‍

Published : 4th June 2018 | Posted By: kasim kzm

മങ്കര: ഹാള്‍ട്ട് റെയില്‍വേ സ്‌റ്റേഷനാക്കി തരം താഴ്ത്തിയ മങ്കര റെയില്‍വേ സ്‌റ്റേഷനില്‍ യാത്രക്കാര്‍ക്ക് ദുരിതം മാത്രം. കാലാവസ്ഥ ഏതായാലും അതനുഭവിക്കുക മാത്രമാണ് യാത്രക്കാരുടെ വിധി. മഴക്കാലത്ത് മഴ നനഞ്ഞും വേനലില്‍ വെയിലേറ്റും യാത്രക്കാര്‍ ട്രെയിന്‍ കാത്തുനില്‍ക്കണം.
യാത്രക്കാരുടെ എണ്ണം കുറവായതിനെ തുടര്‍ന്നു സാമ്പത്തിക ബാധ്യതയായി മാറിയ റെയില്‍വേ സ്‌റ്റേഷനില്‍ ഐബിഎസ് (ഇന്റര്‍മീഡിയറി ബ്ലോക്ക് സിഗ്‌നലിങ്) സംവിധാനത്തിലൂടെയാണു ട്രെയിനുകള്‍ കടന്നുപോകുന്നത്. ഇന്ത്യന്‍ നാഷനല്‍ കോണ്‍ഗ്രസിന്റെ ഏക മലയാളി പ്രസിഡന്റായിരുന്ന സര്‍ സി പി ശങ്കരന്‍ നായരുടെ ആവശ്യാര്‍ഥം 1915 ബ്രിട്ടിഷുകാര്‍ നിര്‍മിച്ച സ്‌റ്റേഷനാണിത്. മെമു അടക്കം അഞ്ചു ട്രെയിനുകളാണു നിലവില്‍ മങ്കരയില്‍ നിര്‍ത്തുന്നത്.
സ്‌റ്റേഷനിലേക്കുള്ള റോഡ് തകര്‍ന്നു കിടക്കുകയാണ്. പ്രതിദിനം ആയിരത്തോളം രൂപയുടെ ടിക്കറ്റാണു വിറ്റുപോകുന്നത്. നൂറ്റാണ്ടുകള്‍ പഴക്കുമുള്ള കെട്ടിടത്തിലാണു ടിക്കറ്റ് കൗണ്ടര്‍ പ്രവര്‍ത്തിക്കുന്നത്. മേല്‍ക്കൂരയിലെ ഓടുകള്‍ പൊട്ടിയതിനാല്‍ വെള്ളം തളം കെട്ടിനില്‍ക്കുകയാണ്. പ്ലാറ്റ് ഫോമുകളില്‍ പുല്ലുകള്‍ വളര്‍ന്നു നില്‍ക്കുകയാണ്. ഇഴജന്തുക്കളുടെ വിഹാരകേന്ദ്രമായി മാറി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss