|    Dec 16 Sat, 2017 5:16 am
FLASH NEWS

പയ്യോളി ദേശീയപാതയില്‍ ബസ്സും ലോറികളും കൂട്ടിയിടിച്ചു

Published : 24th May 2016 | Posted By: SMR

പയ്യോളി: ദേശീയപാതയില്‍ അയനിക്കാട് കുറ്റിയില്‍ പീടികയില്‍ ബസ്സും രണ്ട് ലോറികളും കൂട്ടിയിടിച്ച് 20 പേര്‍ക്ക് പരിക്ക്. ഇന്നലെ പുലര്‍ച്ചെ 3.30നാണ് അപകടം.
പാലായില്‍ നിന്ന് കണ്ണൂര്‍ ചെറുകുന്നിലേക്കു പോകുകയായിരുന്ന ബസ്സും മഹാരാഷ്ട്രയില്‍ നിന്ന് വരികയായിരുന്ന ലോറിയുമാണ് കൂട്ടിയിടിച്ചത്.
തൊട്ടു പുറകില്‍ വന്ന മിനി ലോറിയും ഇടിച്ചു. അപകടത്തെ തുടര്‍ന്ന് ലോറിക്കും ബസ്സിനുമിടയില്‍ കുടുങ്ങിയവരെ രണ്ട് മണിക്കൂറോളം നീണ്ട രക്ഷാപ്രവര്‍ത്തനത്തിനൊടുവിലാണ് പുറത്തെടുത്തത്. പരിക്കേറ്റവരില്‍ 12 പേരെ കൊയിലാണ്ടി താലൂക്ക് ആശുപത്രിയിലും അഞ്ചുപേരെ കോഴിക്കോട് മെഡിക്കല്‍ കോളജ് ആശുപത്രിയിലും മറ്റുള്ളവരെ വിവിധ സ്വകാര്യ ആശുപത്രികളിലും പ്രവേശിപ്പിച്ചു. ലോറിയില്‍ സഞ്ചരിച്ച നിധിന്റെ (23) പരുക്ക് ഗുരുതരമാണ്. വടകരയില്‍ നിന്നെത്തിയ ഫയര്‍ ഫോഴ്‌സും പയ്യോളി പോലിസും അയനിക്കാട് സുരക്ഷാ പ്രവര്‍ത്തകരുമാണ് രക്ഷാപ്രവര്‍ത്തനം നടത്തിയത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക