|    Jul 17 Tue, 2018 7:54 am
FLASH NEWS

പയ്യന്നൂരില്‍ ഹൈടെക് കോടതി സമുച്ചയം വരുന്നു

Published : 31st March 2018 | Posted By: kasim kzm

പയ്യന്നൂര്‍: പയ്യന്നൂരില്‍ ഹൈടെക് കോടതി സമുച്ചയം നിര്‍മിക്കാന്‍ 14 കോടി രൂപയുടെ ഭരണാനുമതി ലഭിച്ചതായി സി കൃഷ്ണന്‍ എംഎല്‍എ അറിയിച്ചു. ആധുനിക സൗകര്യങ്ങളോടെ അഞ്ച് നിലകളുള്ള കോടതി സമുച്ചയമാണ് സ്ഥാപിക്കുക.
ഒ ന്നാം നിലയില്‍ മജിസ്‌ട്രേറ്റ് കോടതി, വീഡിയോ കോണ്‍ഫറന്‍സ് ഹാള്‍, രണ്ടാം നിലയില്‍ മുന്‍സിഫ് കോടതി, മൂന്നാം നിലയില്‍ സ്‌പെഷ്യല്‍ കോടതി, നാലാം നിലയില്‍ റെക്കോര്‍ഡ് റൂം, അഞ്ചാം നിലയില്‍ കോണ്‍ഫറന്‍സ് ഹാള്‍, എന്നീ സൗകര്യങ്ങളുണ്ടാവും. 49012 ചതുരശ്രയടി വിസ്തീര്‍ണമുള്ള കെട്ടിടത്തില്‍ അഡ്വക്കറ്റ് ഹാള്‍, ലേഡി അഡ്വക്കറ്റ് ഹാള്‍, മീഡിയേഷന്‍ റൂം, പോലിസ് ഡ്രെസിങ് റൂം, ക്ലര്‍ക്ക് റൂം, ഫീഡിങ് റൂം, സ്‌ക്രീന്‍ സൗകര്യങ്ങള്‍, 60 കാറുകള്‍ക്കും 40 ഇരുചക്ര വാഹനങ്ങള്‍ക്കും പാര്‍ക്ക് ചെയ്യാനുള്ള സൗകര്യം എന്നിവയുണ്ടാവും.
നിലവില്‍ 60 വര്‍ഷത്തോളം പഴക്കമുള്ള മുന്‍സിഫ് കോടതി സ്ഥിതിചെയ്യുന്ന സ്ഥലത്താണ് പുതിയ കോടതി സമുച്ചയം വരുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss