|    Jul 21 Sat, 2018 2:06 am
FLASH NEWS

പമ്പാനദിയില്‍ ആശുപത്രി മാലിന്യം തള്ളാനുള്ള ശ്രമം നാട്ടുകാര്‍ തടഞ്ഞു

Published : 22nd March 2018 | Posted By: kasim kzm

മാന്നാര്‍: പമ്പാനദിയില്‍ ആശുപത്രി മാലിന്യം  തള്ളാന്‍ ശ്രമിച്ചത് നാട്ടുകാര്‍ തടഞ്ഞു. പരുമലയിലെ സ്വകാര്യ ആശുപത്രിയിലെ മാലിന്യങ്ങള്‍ വാഹനത്തില്‍ കയറ്റി പമ്പാനദിയില്‍ നിക്ഷേപിക്കാല്‍ ശ്രമിച്ചതിനെ തുടര്‍ന്നാണ് നാട്ടുകാര്‍ വാഹനവും മാലിന്യവും തടഞ്ഞിട്ടത്.
മികച്ച മാലിന്യ സംസ്‌കരണത്തിന് അവാര്‍ഡ് നേടിയ പരുമലയിലെ സ്വകാര്യ ആശുപത്രിയാണ് ഹോസ്പിറ്റലിലെ ഓപ്പറേഷന്‍ തീയേറ്ററിലെ മാലിന്യങ്ങള്‍ ഉള്‍പ്പെടെയുള്ളവ അവരുടെ തന്നെ ഉടമസ്ഥതയിലുള്ള നഴ്‌സിങ് കോളജിന്റെ പിന്‍ഭാഗത്ത് നിക്ഷേപിക്കുകയും അവിടെ നിന്നു നദിയിലേക്ക് തള്ളാനുള്ള ശ്രമവും നടത്തുന്നത്. പമ്പാനദിയെ മലിനമാക്കി മാറ്റുന്ന തരത്തിലാണ് ആശുപത്രി മാലിന്യം ഇവിടെ തള്ളുന്നതെന്ന് നാട്ടുകാര്‍ ആരോപിച്ചു. പരിസരവാസികള്‍ക്ക് ദുര്‍ഗന്ധം മൂലം പുറത്തിറങ്ങാന്‍ പറ്റാത്ത അവസ്ഥയുമാണ്.
നദിയിലേക്ക് മാലിന്യം നിക്ഷേപിക്കുന്നത് നിത്യസംഭവമാണ്. ഇതുപോലെ പല തവണനാട്ടുകാര്‍ ഇടപെട്ടു മാലിന്യവും വാഹനവും തടയുകയും ചെയ്തിട്ടുണ്ട്. ഇനിയും ആവര്‍ത്തിക്കില്ല എന്നു മാനേജ്‌മെന്റ് ഉറപ്പു നല്‍കുകയും പിന്നീട് വീണ്ടും ഇത്തരം പ്രവര്‍ത്തികള്‍ മാനേജ്‌മെന്റ് തുടരുകയാണെന്നും നാട്ടുകാര്‍ ആരോപിച്ചു..ഇതിനെതിരെ നടപടി സ്വീകരിക്കാന്‍ കടപ്ര ഗ്രാമപഞ്ചായത്തോ അധികൃതരോ തയ്യാറാകാത്തതിനാലാണ് ഇത്തരത്തില്‍ മാലിന്യ നിക്ഷേപം തുടരുന്നത്.
ബന്ധപ്പെട്ട അധികൃതര്‍ എത്രയും വേഗം നടപടികള്‍ സ്വീകരിക്കണമെന്ന് പ്രദേശവാസികള്‍ ആവശ്യപ്പെട്ടു. ഇല്ലെങ്കില്‍ ശക്തമായ സമരപരിപാടികളുമായി മുന്നോട്ടു വരുമെന്നും നാട്ടുകാര്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss