|    Oct 16 Tue, 2018 11:11 am
FLASH NEWS
Home   >  Todays Paper  >  page 12  >  

പമ്പയിലും സന്നിധാനത്തും ഇന്റര്‍നെറ്റ് സേവനം മുടങ്ങി

Published : 9th October 2018 | Posted By: kasim kzm

ശബരിമല: പമ്പയിലും സന്നിധാനത്തും ഇന്റര്‍നെറ്റ്, ഫോണ്‍ സേവനങ്ങള്‍ മുടങ്ങി. ബിഎസ്എന്‍എല്ലാണ് ഇവിടെ ഇന്റര്‍നെറ്റ് സേവനം നല്‍കുന്നത്. റോഡ് പണിക്കിടെ ബിഎസ്എന്‍എല്ലിന്റെ ഒപ്റ്റിക്കല്‍ ഫൈബര്‍ കേബിള്‍ മുറിഞ്ഞുപോയതാണ് പ്രതിസന്ധിക്കു കാരണം. ഇതേത്തുടര്‍ന്ന് പമ്പ, ശബരിമല ടെലിഫോണ്‍ എക്‌സ്‌ചേഞ്ചുകളുടെ പ്രവര്‍ത്തനം നിലച്ചു.
നിലയ്ക്കല്‍-പ്ലാപ്പള്ളി മേഖലയ്ക്കിടയില്‍ അഞ്ചിടത്ത് ഒപ്റ്റിക്കല്‍ ഫൈബര്‍ കേബിളുകള്‍ മുറിഞ്ഞതായി പരിശോധനയില്‍ കണ്ടെത്തി. പ്രളയത്തെ തുടര്‍ന്ന് ഈ പ്രദേശത്ത് വ്യാപകമായി റോഡ് തകര്‍ന്നതിനാല്‍ പൊതുമരാമത്ത് റോഡ് വിഭാഗത്തിന്റെ നേതൃത്വത്തില്‍ നിര്‍മാണപ്രവര്‍ത്തനങ്ങള്‍ നടന്നുവരുകയാണ്. ഇതിനിടെയാണ് കേബിളുകള്‍ നശിച്ചത്. ശബരിമല സ്ത്രീപ്രവേശനം സംബന്ധിച്ച കോടതിവിധിയുടെ പശ്ചാത്തലത്തില്‍ ഒരുഭാഗത്ത് സമരവും മറുഭാഗത്ത് സര്‍ക്കാര്‍ സ്ത്രീകള്‍ക്കു വേണ്ട സംവിധാനങ്ങള്‍ നല്‍കുന്നതിന് ഒരുക്കങ്ങളുമായി മുന്നോട്ടുപോവുന്നതിനിടെ ഇന്റര്‍നെറ്റ്-ഫോണ്‍ സേവനം തകരാറിലായത് അധികൃതരെ ബുദ്ധിമുട്ടിലാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss