|    Mar 23 Thu, 2017 10:01 am
FLASH NEWS

പന്തളത്ത് പിതാവും മകനുമുള്‍നപ്പെടെ മൂന്നുപേര്‍ അറസ്റ്റില്‍

Published : 22nd May 2016 | Posted By: SMR

പന്തളം: വികലാംഗ യുവതിയുടെ മാല പറിച്ച കേസില്‍ പിതാവും മകനും ഉള്‍പ്പെടെ മൂന്നുപേര്‍ അറസ്റ്റില്‍. ചെറിയനാട് കടയിക്കാട് പേരൂര്‍ത്തറയില്‍ വീട്ടില്‍ ശംസുദ്ദീന്‍ (48), മകന്‍ ഷംനാസ്(22), അയല്‍വാസിയും കേസിലെ മൂന്നാം പ്രതിയുമായ ചെറിയനാട് ഷിബു മന്‍സിലില്‍ ഷിജു (22) എന്നിവരാണ് അറസ്റ്റിലായത്.
ഫെബ്രുവരി 29ന് വൈകീട്ട് 5.30ന് മെഴുവേലി മണ്ണില്‍ വീട്ടില്‍ വിലാസിനി (59)യുടെ മാലയാണ് പ്രതികള്‍ പറിച്ചത്. വികലാംഗയും അവിവാഹിതയുമായ വിലാസിനി നടത്തുന്ന തട്ടുകടയില്‍ വെള്ളം കുടിക്കാനെന്ന വ്യാജേന വന്ന് പ്രതികള്‍ മാല പറിച്ച് കടന്നു കളയുകയായിരുന്നു.
പ്രതികള്‍ മോഷണവും വധശ്രമവും ഉള്‍പ്പടെ നിരവധി കേസുകളില്‍ പ്രതികളാണ്. ഇവര്‍ മോഷണത്തിനുപയോഗിച്ച ചുവന്ന ഹ്യുണ്ടായി ഇയോണ്‍ കാറും പറിച്ചെടുത്ത മാലയും പോലിസ പിടിച്ചെടുത്തു. മോഷണം നടന്ന സമയത്ത് തൊട്ടടുത്ത വീട്ടിലെ സിസി ടിവി ദൃശ്യങ്ങളാണ് പ്രതികളെ പിടികൂടാന്‍ പോലിസിനെ സഹായിച്ചത്.
കാറിന്റെ നമ്പര്‍ വ്യക്തമല്ലാത്തതിനാല്‍ ആദ്യഘട്ടത്തില്‍ പോലിസിനു അന്വേഷണം തലവേദനയായി. പത്തനംതിട്ട പോലിസ് സൂപ്രണ്ട് ടി നാരായണന്റെ നേതൃത്വത്തിലുള്ള ഷാഡോ പോലിസാണ് പ്രതികളെ അറസ്റ്റ് ചെയ്തത്.
ഏകദേശം മുന്നോറോളം ഈയോണ്‍ കാറുകള്‍ അന്വേഷണ വിധേയമാക്കി. ഡിവൈഎസ്പി എസ് റഫീഖ്, സിഐ സുരേഷ്‌കുമാര്‍, എസ്‌ഐടി എം സൂഫി, സീനിയര്‍ സിപിഒ ജയന്‍, സിപിഒ ലിജോ എല്‍ ടി എന്നിവരടങ്ങുന്ന സംഘമാണ് പ്രതികളെ പിടികൂടിയത്.

(Visited 36 times, 1 visits today)
thanur-inner madani-inner abdulla-iner     PER Mazhappody-inner karimbu-inner                  
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക