|    Oct 19 Thu, 2017 10:09 pm
FLASH NEWS
Home   >  Kerala   >  

പന്തളത്ത് എസ്ഡിപിഐ പ്രവര്‍ത്തകരെ കൊലപ്പെടുത്താന്‍ ശ്രമം: നാലു പേര്‍ അറസ്റ്റില്‍

Published : 30th May 2017 | Posted By: G.A.G

 

പന്തളം: പന്തളത്ത് എസ്ഡിപിഐ പ്രവര്‍ത്തകരെ കൊലപ്പെടുത്താന്‍ ശ്രമിച്ച കേസില്‍ സിപിഎം, ഡിവൈഎഫ്‌ഐ പ്രവര്‍ത്തകരായ നാലു പേരെ പോലിസ് അറസ്റ്റ് ചെയ്തു. കടക്കാട് ഉളമയില്‍ ഷഫീക് (19)കടക്കാട് മണ്ണില്‍ ലബ്ബ വീട്ടില്‍ ഷുഹൈല്‍ (20)കടക്കാട് ഷിജിന്‍ മന്‍സിലില്‍ ഷെഫിന്‍ (23)മങ്ങാരം മുത്തണിയില്‍ ഷമീര്‍ (22) എന്നിവരെയാണ് പന്തളം സിഐ ആര്‍ സുരേഷ്, എസ്‌ഐ സനൂജ് എന്നിവരുടെ നേതൃത്വത്തിലുള്ള പോലീസ് സംഘം പന്തളത്ത് വിവിധ ഇടങ്ങളില്‍ നിന്നായി അറസ്റ്റ് ചെയ്തത്. ഇവരെ നാളെ കോടതിയില്‍ ഹാജരാക്കും.
ഇവര്‍ക്കെതിരേ വധശ്രമത്തിന് കഴിഞ്ഞ ദിവസം കേസെടുത്തിരുന്നു. ഞായറാഴ്ച രാത്രി  തറാവീഹ് നമസ്‌കാരം കഴിഞ്ഞ് വീട്ടിലേക്ക് മടങ്ങുന്നതിനിടയിലാണ് എസ്ഡിപിഐ പ്രവര്‍ത്തകരെ കടയ്ക്കാട്ട് വച്ച് മാരകായുധങ്ങളുമായി ഡിവൈഎഫ്‌ഐ-സിപിഎം പ്രവര്‍ത്തകര്‍ ആക്രമിച്ച് കൊലപ്പെടുത്താന്‍ ശ്രമിച്ചത്. അക്രമത്തില്‍ കടയ്ക്കാട് മണ്ണില്‍ ലബ്ബവീട്ടില്‍ ഷഫീക്ക് സാദത്ത്(17), കടയ്ക്കാട് ചന്തയില്‍ പുത്തന്‍വീട്ടില്‍ നൗഫല്‍(19), മുട്ടാര്‍ വാലില്‍ തെക്കേതില്‍ സനോജ്(23), പഴകുളം തടവിള വശക്കേതില്‍ ഷാജു(30), മുളക്കുഴ കല്ലേലിക്കുന്നത്ത് വീട്ടില്‍ നിഷാദ്(30), മങ്ങാരം ആശാരിയയ്യത്ത് സുബി ഇസ്മയില്‍(30) എന്നിവര്‍ക്കാണ് പരിക്കേറ്റത്. ഇവരില്‍ വെട്ടേറ്റ് ഗുരുതരമായി പരിക്കേറ്റ നിഷാദ്, സനോജ്, സുബി, ഷാജു എന്നിവരെ തിരുവല്ലയിലെ സ്വകാര്യ മെഡിക്കല്‍ കോളജില്‍ ചികില്‍സയിലാണ്.  പ്രദേശത്തുള്ള  ഡിവൈഎഫ്‌ഐ, എസ്എഫ്‌ഐ പ്രവര്‍ത്തകര്‍ സംഘടനവിട്ട് എസ്ഡിപിഐ, കാംപസ് ഫ്രണ്ട് പ്രവര്‍ത്തനങ്ങളില്‍ സജീവമായതാണ് സിപിഎം പ്രവര്‍ത്തകരുടെ പ്രകോപനത്തിന് കാരണം. സ്ഥലത്ത്് സംഘര്‍ഷാവാസ്ഥ നിലവിലുണ്ട്. പന്തളം കവല, കടയ്ക്കാട്, മുട്ടാര്‍ എന്നിവിടങ്ങളില്‍ പോലിസ് പിക്കറ്റ് ഏര്‍പ്പെടുത്തിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക