|    Jul 24 Mon, 2017 6:21 am
FLASH NEWS
Home   >  Todays Paper  >  Page 5  >  

പത്രികാ സമര്‍പ്പണം പൂര്‍ത്തിയായി; ആകെ ലഭിച്ചത് 1647 എണ്ണം

Published : 30th April 2016 | Posted By: SMR

തിരുവനന്തപുരം: നിയമസഭാ തിരഞ്ഞെടുപ്പിനുള്ള നാമനിര്‍ദേശപത്രികാ സമര്‍പ്പണത്തിനുള്ള സമയപരിധി ഇന്നലെ അവസാനിച്ചപ്പോള്‍ സംസ്ഥാനത്തൊട്ടാകെ ലഭിച്ചത് 1647 പത്രികകള്‍. ഇന്നലെ മാത്രം 734 പത്രികകളാണ് സമര്‍പ്പിക്കപ്പെട്ടത്. കഴിഞ്ഞ നിയമസഭാ തിരഞ്ഞെടുപ്പില്‍ 1373 പത്രികകളാണ് ലഭിച്ചത്. ഏറ്റവും കൂടുതല്‍ പത്രിക ലഭിച്ചത് മലപ്പുറം ജില്ലയിലാണ്- 204. കുറവ് വയനാട്ടില്‍- 41.
ഓരോ ജില്ലകളിലും സമര്‍പ്പിക്കപ്പെട്ട പത്രികകളുടെ എണ്ണം- ബ്രാക്കറ്റില്‍ കഴിഞ്ഞ തിരഞ്ഞെടുപ്പില്‍ ലഭിച്ച പത്രികകള്‍. തിരുവനന്തപുരം- 164 (153), കൊല്ലം- 115 (95), പത്തനംതിട്ട- 55 (50), ആലപ്പുഴ- 98 (87), കോട്ടയം- 104 (80), ഇടുക്കി- 61 (53), എറണാകുളം- 187 (134), തൃശൂര്‍- 135 (122), പാലക്കാട്- 128 (115), മലപ്പുറം- 204 (146), കോഴിക്കോട്- 168 (141), വയനാട്- 41 (24), കണ്ണൂര്‍- 127 (119), കാസര്‍കോട്- 60 (54). പത്രികകളുടെ സൂക്ഷ്മ പരിശോധന ഇന്നു നടക്കും. പത്രിക പിന്‍വലിക്കാനുള്ള അവസാനദിനമായ മെയ് രണ്ടിന് മൂന്നുമണിക്ക് ശേഷമായിരിക്കും സ്ഥാനാര്‍ഥികള്‍ക്കുള്ള ചിഹ്നം അനുവദിക്കുക.
അതേസമയം, തിരഞ്ഞെടുപ്പിന്റെ ഒരുക്കങ്ങള്‍ വിലയിരുത്താനായി മുഖ്യ തിരഞ്ഞെടുപ്പ് കമ്മീഷണര്‍ ഡോ. നസീം സെയിദിയുടെ നേതൃത്വത്തിലുള്ള ആറംഗ സംഘം നാളെ മുതല്‍ 3 വരെ തിരുവനന്തപുരം സന്ദര്‍ശിക്കും. രാഷ്ട്രീയ കക്ഷി പ്രതിനിധികള്‍, ചീഫ് സെക്രട്ടറി, മുഖ്യ തിരഞ്ഞെടുപ്പ് ഓഫിസര്‍, ജില്ലാ കലക്ടര്‍മാര്‍, ജില്ലാ പോലിസ് മേധാവികള്‍, ആഭ്യന്തരസെക്രട്ടറി തുടങ്ങിയവരുമായി കമ്മീഷന്‍ ചര്‍ച്ച നടത്തും.
തിരഞ്ഞെടുപ്പ് കമ്മീഷണര്‍മാരായ ഓം പ്രകാശ് റാവത്ത്, എ കെ ജോതി, ഇലക്ഷന്‍ ഡയറക്ടര്‍ ജനറല്‍ സുദീപ് ജയിന്‍, ചെലവ് നിരീക്ഷക വിഭാഗം ഡയറക്ടര്‍ എന്‍ സി സ്വയിന്‍, ഡയറക്ടര്‍ ധീരേന്ദ്ര ഓജ, ഡപ്യൂട്ടി സെക്രട്ടറി നിഖില്‍ കുമാര്‍ എന്നിവരാണ് സംഘത്തിലെ മറ്റംഗങ്ങള്‍.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക