|    Nov 21 Wed, 2018 7:37 pm
FLASH NEWS
Home   >  Kerala   >  

പത്രസ്വാതന്ത്ര്യം ഉടമകളില്‍നിന്ന് പത്രപ്രവര്‍ത്തകര്‍ക്ക് അനുവദിച്ചുകിട്ടേണ്ട ദാക്ഷിണ്യം: മുഖ്യമന്ത്രി

Published : 3rd July 2018 | Posted By: sruthi srt

കോഴിക്കോട്: പത്രപ്രവര്‍ത്തകരുടെ നിര്‍ഭയത്വത്തിനു വിലകല്പിക്കുന്ന പത്രമുടമകള്‍ ഇന്നുണ്ടോ എന്ന ചിന്ത ഉയര്‍ന്നുവരേണ്ടതുണ്ടെന്ന് മുഖ്യമന്ത്രി പിണറായി വിജയന്‍. പത്രസ്വാതന്ത്ര്യം എന്നത് സര്‍ക്കാരില്‍നിന്ന് പത്രപ്രവര്‍ത്തകര്‍ക്ക് അനുവദിച്ചുകിട്ടേണ്ട ആനുകൂല്യം മാത്രമല്ല. പത്രമുടമകളില്‍നിന്ന് പത്രപ്രവര്‍ത്തകര്‍ക്ക് അനുവദിച്ചുകിട്ടേണ്ട ദാക്ഷിണ്യം കൂടിയാണ്. പത്രസ്വാതന്ത്ര്യത്തെക്കുറിച്ച് സംസാരിക്കുമ്പോഴൊക്കെ പത്രപ്രവര്‍കത്തകര്‍ മറന്നുപോകുന്ന കാര്യം കൂടിയാണിത്.

പത്രരംഗത്ത് മൂലധനത്തിന്റെ താല്‍പര്യം പിടിമുറുക്കുന്നതിനനുസരിച്ച് പത്രപ്രവര്‍ത്തകന്റെ താല്‍പര്യം പരിമിതപ്പെട്ടുപോകുകയും പത്രമുതലാളിമാരുടെ താല്‍പര്യം ശക്തിപ്പെട്ടുവരികയും ചെയ്യും. ആ പ്രക്രിയ എത്രത്തോളം ശക്തമാകുന്നോ അതിനനുസൃതമായി വായനക്കാരന്റെ അറിയാനുള്ള അവകാശം ഹനിക്കപ്പെടുകയും പത്രമുതലാളിയുടെ അറിയിക്കുവാനുള്ള സ്വാതന്ത്ര്യം മാത്രം വിലപ്പോവുകയും ചെയ്യുന്ന അവസ്ഥ സംജാതമാകുകയും ചെയ്യുന്നു. പത്രമുതലാളിയുടെ അറിയിക്കാനുള്ള സ്വാതന്ത്ര്യമാണോ യഥാര്‍ത്ഥ പത്രസ്വാതന്ത്ര്യമെന്ന ചിന്തയും പത്രപ്രവര്‍ത്തകര്‍ ആലോചിക്കണമെന്നും അദ്ദേഹം കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss