|    Feb 19 Mon, 2018 1:44 am
FLASH NEWS
Home   >  Todays Paper  >  page 7  >  

പത്മ വിവാദം: എ കെ ബാലനെതിരേ കേന്ദ്രമന്ത്രി

Published : 4th February 2018 | Posted By: kasim kzm

ജുവല്‍ ഓറംന്യൂഡല്‍ഹി: സംസ്ഥാന സര്‍ക്കാര്‍ ശുപാര്‍ശ ചെയ്തവര്‍ക്കു മാത്രമെ പത്മ പുരസ്‌കാരങ്ങള്‍ നല്‍കാവൂ എന്നു നിയമമില്ലെന്ന് കേന്ദ്ര ആദിവാസി ക്ഷേമ വകുപ്പ് മന്ത്രി ജുവല്‍ ഓറം. പത്മശ്രി  അവാര്‍ഡ് ജേതാവ് ലക്ഷ്മിക്കുട്ടിയമ്മയെ മന്ത്രി എ കെ ബാലന്‍ അവഹേളിച്ച് സംസാരിച്ചെന്നും കേന്ദ്രമന്ത്രി ആരോപിച്ചു. ആദിവാസി സമൂഹത്തെയൊന്നടങ്കം അപമാനിക്കുകയാണ് ബാലന്‍ ചെയ്തതെന്നും അദ്ദേഹം മാപ്പ് പറയണമെന്നും ജുവല്‍ ഓറം ആവശ്യപ്പെട്ടു. പ്രകൃതി ചികില്‍സയിലുള്ള അറിവ് കണക്കിലെടുത്താണ് കേന്ദ്ര സര്‍ക്കാര്‍ ലക്ഷ്മിക്കുട്ടിയമ്മക്ക് ബഹുമതി നല്‍കിയത്. സ്വന്തം സംസ്ഥാനത്തുള്ള ഒരാള്‍ക്ക് അവാര്‍ഡ് ലഭിച്ചതിനെ ചോദ്യം ചെയ്യുന്നതിന് പകരം പ്രശംസിക്കുകയാണ് ബാലന്‍ ചെയ്യേണ്ടിയിരുന്നത്. പുരസ്‌കാര പട്ടികയെ ചോദ്യം ചെയ്യാന്‍ മന്ത്രിക്ക് അര്‍ഹതയില്ലെന്നും വിദഗ്ധ സമിതിയുടെ പരിശോധന ഉള്‍പ്പെടെയുള്ള നടപടിക്രമങ്ങള്‍ പാലിച്ചാണ് പുരസ്‌കാരങ്ങള്‍ നല്‍കിയതെന്നും കേന്ദ്രമന്ത്രി അവകാശപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss