|    Jan 19 Thu, 2017 5:57 am
FLASH NEWS

പണിതിട്ടും തീരാതെ വാത്തിക്കുടിയിലെ ജലനിധി പദ്ധതികള്‍

Published : 15th December 2015 | Posted By: SMR

മുരിക്കാശ്ശേരി: വാത്തിക്കുടി പഞ്ചായത്തിലെ ജലനിധി പദ്ധതിയുടെ കമ്മീഷനിങ് അനന്തമായി നീളുന്നതായി പരാതി. പഞ്ചായത്തിലെ വിവിധ വാര്‍ഡുകളിലായി 50ഓളം ചെറിയ പദ്ധതികള്‍ ഉണ്ട്. ഇതില്‍ ആറ് പദ്ധതികള്‍ മാത്രമേ നാളിതുവരെ പൂര്‍ത്തീകരിച്ചിട്ടുള്ളു.
രണ്ട് വര്‍ഷ കാലാവധിക്ക് ബോധന തിരുവല്ല എന്ന ഏജന്‍സിയാണ് പദ്ധതി ഏറ്റെടുത്തത്. പിന്നീട് ഒരു വര്‍ഷം കൂടി കാലാവധി ദീര്‍ഘിപ്പിച്ചു നല്‍കി. എന്നിട്ടും മൂന്ന് വര്‍ഷം പൂര്‍ത്തികരിക്കാറായിട്ടും ഭൂരിപക്ഷം പദ്ധതികളും എങ്ങുമെത്തിയിട്ടില്ലെന്നാണ് പൊതു ജനങ്ങളുടെ പരാതി. പത്ത് ശതമാനം ഉപഭോക്തൃവിഹിതവും ബാക്കി സര്‍ക്കാര്‍ വിഹിതവുമാണ്. പല പദ്ധതികളും പണി പൂര്‍ത്തിയാവാതെ തന്നെ ബില്ല് മാറിയിട്ടുള്ളതായും പറയുന്നു.
പദ്ധതിയുടെ ഭാഗമായി ബോധന എന്ന ഏജന്‍സി നിര്‍ബന്ധമായി നടപ്പാക്കേണ്ട ശുചിത്വ സാനിട്ടേഷന്‍ ജോലികള്‍ പ്രഹസനമാക്കി മാറ്റുന്നതായും ആക്ഷേപമുണ്ട്.
കക്കൂസും, മൂത്രപ്പുരയും ഒക്കെ സന്നദ്ധ സംഘടനയായ ബോധന, ജലനിധി പദ്ധതിയോടൊപ്പം നടപ്പാക്കണമെന്നാണ് വ്യവസ്ഥ. ഇവ നടപ്പാക്കത്തതിലും, പദ്ധതിയുടെ നടത്തിപ്പില്‍ വ്യാപക ക്രമക്കേട് നടക്കുന്നുവെന്ന് കാണിച്ചും മുന്‍ പഞ്ചായത്ത് അംഗം കൂടിയായ ഷിന്റോ ഓലിക്കരോട്ട് പോലിസ് വിജിലന്‍സിനും, മുഖ്യമന്ത്രിയുടെ കരുതല്‍ 2015 ജനസമ്പര്‍ക്ക പരിപാടിയിലും പരാതി നല്‍കി ഒരു വര്‍ഷത്തോളമായിട്ടും നാളിതുവരെ ഒരു നടപടികളും സ്വീകരിച്ചിട്ടില്ല.
എത്രയും വേഗം കുടിവെള്ളം ലഭ്യമാക്കാന്‍ അധികാരികള്‍ നടപടികള്‍ സ്വീകരിക്കണമെന്നാണ് നാട്ടുകാര്‍ ആവശ്യപ്പെടുന്നത്.

Share on FacebookShare on Google+Tweet about this on TwitterShare on LinkedIn
(Visited 79 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക