|    Oct 20 Fri, 2017 10:53 am
FLASH NEWS

പഠനത്തോടൊപ്പം പച്ചക്കറികൃഷിയും; എട്ടാംക്ലാസ് വിദ്യാര്‍ഥി മാതൃകയാവുന്നു

Published : 11th March 2016 | Posted By: SMR

കോന്നി: പഠനത്തോടൊപ്പം പച്ചക്കറിക്കൃഷിയിലും കഴിവു തെളിയിച്ച് എട്ടാംക്ലാസ് വിദ്യാര്‍ഥി. അരുവാപ്പുലം മരുതിമൂട്ടില്‍ കിഴക്കേതില്‍ ആകാശ് എം പിള്ളയാണ് വീട്ടിലെ മട്ടുപ്പാവില്‍ പച്ചക്കറി കൃഷിചെയ്യുന്നത്. കോന്നി ഗവ. ഹയര്‍ സെക്കന്‍ഡറി സ്‌കൂളിലെ എട്ടാംക്ലാസ് വിദ്യാര്‍ഥിയാണ്.
ഗ്രോബാഗിലാണ് പച്ചക്കറികള്‍ നട്ടുപിടിപ്പിച്ചിരിക്കുന്നത്. തക്കാളി, കാബേജ്, കോളിഫഌവര്‍, വഴുതന, പയര്‍, ചീര, വെണ്ട, വെള്ളരി എന്നിവയാണ് കൃഷിചെയ്തിരിക്കുന്നത്. രാവിലെയും വൈകീട്ടും ഇവയ്ക്കുവേണ്ട വെള്ളം നനയ്ക്കും. അരുവാപ്പുലം കൃഷി ഓഫളസിന്റെ സഹായത്തോടെ ജൈവവളങ്ങളും ജൈവകീടനാശിനിയുമാണ് ഉപയോഗിക്കുന്നത്. രണ്ടുവര്‍ഷമായി പച്ചക്കറിക്കൃഷി നടത്തുന്നു. ഈവര്‍ഷം ഇതുവരെ 10 കിലോ തക്കാളി ലഭിച്ചു. കഴിഞ്ഞവര്‍ഷം കൂടുതല്‍ വിളവു കിട്ടിയതായി ആകാശ് പറഞ്ഞു.
മാലിന്യമില്ലാത്ത ശുദ്ധമായ പച്ചക്കറി ഉല്‍പാദിപ്പിക്കുക എന്ന ലക്ഷ്യമാണ് പച്ചക്കറിത്തോട്ടത്തിലേക്കു തിരിയാന്‍ കാരണമെന്ന് ആകാശ് പറഞ്ഞു. കൃഷിയില്‍ സഹായവുമായി അച്ഛന്‍ മധുസൂദനന്‍പിള്ളയും അമ്മ മഞ്ജുഷയും ഒപ്പമുണ്ട്. ഇവിടെ ഉല്‍പാദിപ്പിക്കുന്ന പച്ചക്കറികള്‍ വീട്ടാവശ്യത്തിനും ഒപ്പം കൂട്ടുകാര്‍ക്കു സൗജന്യമായും കൊടുക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക