|    May 30 Tue, 2017 6:50 pm
FLASH NEWS

പട്യാല കോടതിയിലെ അക്രമംപട്യാല കോടതിയിലെ അക്രമം: ബാര്‍ കൗണ്‍സില്‍ അന്വേഷണം നടത്തും

Published : 19th February 2016 | Posted By: SMR

ന്യൂഡല്‍ഹി: ഡല്‍ഹി പട്യാല ഹൗസ് കോടതിയില്‍ ഏതാനും അഭിഭാഷകര്‍ മാധ്യമപ്രവര്‍ത്തകരെയും വിദ്യാര്‍ഥികളെയും മര്‍ദ്ദിച്ച സംഭവം അന്വേഷിക്കുമെന്ന് ബാര്‍ കൗണ്‍സില്‍ ഓഫ് ഇന്ത്യ. വിരമിച്ച ഒരു ഹൈക്കോടതി ജഡ്ജി അധ്യക്ഷനായ മൂന്നംഗ കമ്മീഷനാണ് അന്വേഷണം നടത്തുകയെന്ന് ബാര്‍ കൗണ്‍സില്‍ ചെയര്‍മാന്‍ മനന്‍ കുമാര്‍ മിശ്ര പറഞ്ഞു.
മുതിര്‍ന്ന ഒരു സുപ്രിംകോടതി അഭിഭാഷകനും ഒരു ബാര്‍ കൗണ്‍സില്‍ കമ്മിറ്റിയംഗവുമായിരിക്കും മറ്റംഗങ്ങള്‍. അന്വേഷണ കമ്മീഷനെ ഏതാനും ദിവസങ്ങള്‍ക്കുള്ളില്‍ പ്രഖ്യാപിക്കും. മൂന്നാഴ്ചയ്ക്കുള്ളില്‍ കമ്മീഷന്‍ റിപോര്‍ട്ട് സമര്‍പ്പിക്കും. അന്വേഷണത്തിനു ശേഷം കുറ്റക്കാരെന്ന് കണ്ടെത്തുന്ന അഭിഭാഷകര്‍ക്കെതിരേ ലൈസന്‍സ് റദ്ദ് ചെയ്യുന്നതടക്കമുള്ള കര്‍ശന നടപടികള്‍ സ്വീകരിക്കുമെന്നും മിശ്ര പറഞ്ഞു. പട്യാല കോടതിയിലെ അഭിഭാഷകരുടെ മോശം പെരുമാറ്റത്തിന് ബാര്‍ കൗണ്‍സില്‍ മാധ്യമപ്രവര്‍ത്തകരോടും അക്രമത്തിനിരയായ മറ്റുള്ളവരോടും ക്ഷമ ചോദിക്കുന്നുവെന്നും മിശ്ര പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day