|    Jan 18 Wed, 2017 7:05 am
FLASH NEWS

പട്ടികജാതി-വര്‍ഗ സംവരണം: സുപ്രീംകോടതി വിധി ദൗര്‍ഭാഗ്യകരം

Published : 15th March 2016 | Posted By: SMR

കോഴിക്കോട്: ജോലിയില്‍ ഉയര്‍ന്ന പദവിയില്‍ എത്തുന്നതിന് പട്ടികജാതി-വര്‍ഗ്ഗവിഭാഗങ്ങള്‍ക്ക് സംവരണം ആവശ്യമില്ലെന്ന സുപ്രീംകോടതി വിധി ദൗര്‍ഭാഗ്യകരവും ഭരണഘടനയോടുള്ള അനാദരവുമാണെന്ന് നാഷണല്‍ അലയന്‍സ് ഓഫ് ദളിത് ഓര്‍ഗനൈസേഷന്‍സ് ഉത്തരമേഖല കമ്മിറ്റി യോഗം അഭിപ്രായപ്പെട്ടു. സംവരണ വ്യവസ്ഥ നിലവിലുണ്ടായിട്ടുപോലും പട്ടികവിഭാഗങ്ങള്‍ക്ക് ഉദ്യോഗരംഗത്ത് അര്‍ഹമായ പ്രാതിനിധ്യം ഇതുവരെ അനുവദിച്ചുകിട്ടിയിട്ടില്ല. റവന്യൂ വകുപ്പിലെ പട്ടികജാതിക്കാരനായ ഒരു ഉന്നത ഉദ്യോഗസ്ഥന്‍ 25വര്‍ഷമായി ഒരേ തസ്തികയില്‍ ജോലി ചെയ്യുന്നു. ജോലി കയറ്റത്തിനും നീതിക്കും വേണ്ടി അദ്ദേഹം പട്ടികജാതി വര്‍ഗ്ഗ കമ്മീഷനെ സമീപിച്ചിരിക്കയാണ്.
കോടതി ജീവനക്കാരിയായ ദളിത് സ്ത്രീയെകൊണ്ട് തന്റെ യും ഭാര്യയുടേയും അടിവസ്ത്രം കഴുകാന്‍ പ്രേരിപ്പിച്ച ജഡ്ജിക്കെതിരെ നിയമനടപടി സ്വീകരിക്കണമെന്നു യോഗം ആവശ്യപ്പെട്ടു. ഡോ. ബി ആര്‍ അംബേദ്കറുടെ 125ാം ജന്മവാര്‍ഷികം ടൗണ്‍ഹാളില്‍ നടത്തുവാന്‍ പി ഭരതന്‍ ചെയര്‍മാന്‍, പി കെ രാധാകൃഷ്ണന്‍ ജനറല്‍ കണ്‍വീനറുമായി സ്വാഗതസംഘം രൂപീകരിച്ചു. പി ഭരതന്‍ അധ്യക്ഷതവഹിച്ചു. കെ സി പുഷ്പകുമാര്‍, കെ മാധവന്‍, എന്‍ പി കുട്ടപ്പന്‍, കെ അറുമുഖന്‍, പി കെ രാജേന്ദ്രന്‍, എ പി വേലായുധന്‍ സംസാരിച്ചു.

Share on FacebookShare on Google+Tweet about this on TwitterShare on LinkedIn
(Visited 55 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക