|    Jul 25 Tue, 2017 12:24 pm
FLASH NEWS

പട്ടം

Published : 6th March 2016 | Posted By: sdq

 

  • ഭാസ്‌കരന്‍ അരയാല

ഞാന്‍,
നനഞ്ഞുപോയൊരു
പട്ടം.
ചരടുപൊട്ടി ആരോ
ഉപേക്ഷിച്ച
നിറംമങ്ങിപ്പട്ടം.
കാറ്റത്ത് എത്ര
ഇളകാന്‍ ശ്രമിച്ചിട്ടും
ഉടലിനെ അമര്‍ത്തിപ്പിടിച്ച്
നനവിന്റെ ഭാരം.
നനുത്ത മേഘങ്ങളില്‍
കണ്ണുനട്ട്
കിടക്കുമ്പോള്‍
തിരകളില്‍ ഞാനറിയുന്നു
കടലിന്റെ രോഷം.
ഉയരങ്ങളിലെ ഉന്മാദക്കുതിപ്പില്‍
നശ്വരതയെ മറന്നവന്‍
നനഞ്ഞ പൂഴിമണ്ണില്‍
ശൂരത്വം തളര്‍ന്ന്
വെറുതെകിടക്കുന്നു.
എന്റെ കരുത്തായിരുന്ന
ചിറക് ആരോ അരിഞ്ഞിരിക്കുന്നു.
എനിക്ക് ഊക്കായിരുന്ന വാലും
ആരോ മുറിച്ചിരിക്കുന്നു.
കളിപ്പിള്ളേര്‍ വന്നെന്റെ
നട്ടെല്ലും ഊരിയെടുത്തു!
ഇപ്പോള്‍ ഞാന്‍
അസ്തിത്വമില്ലാത്ത
വെറുമൊരു കടലാസുതുണ്ട്!

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക