|    Aug 16 Thu, 2018 7:26 pm

പടുമരത്തിന്റെ വേരുകള്‍ മുറിച്ചുമാറ്റി; വന്‍ അപകടസാധ്യത

Published : 24th June 2017 | Posted By: fsq

 

പൊന്നാനി: ചന്തപ്പടിയില്‍ അപകടക്കെണിയൊരുക്കി മരത്തിന്റെ വേരുകള്‍ മുറിച്ചതായി പരാതി . വേരുകള്‍ പോയ മരം ഏതുസമയവും നിലം പൊത്താവുന്ന അവസ്ഥയിലാണ്. ചന്തപ്പടിയിലെ പൊതുമരാമത്ത് വകുപ്പിന്റെ സ്ഥലത്തെ മരത്തിന്റെ വേരുകളാണ് ഇത്തരത്തില്‍ മുറിച്ച് മാറ്റിയത് . കഴിഞ്ഞ 20 വര്‍ഷത്തിലധികമായി ഉപയോഗശൂന്യമായിക്കിടക്കുന്ന സ്ഥലത്തെ ചുറ്റുമതില്‍ അറ്റകുറ്റപ്പണി നടത്താന്‍ വേണ്ടിയാണ് മരത്തിന്റെ വേരുകള്‍ മുറിച്ചത് . വര്‍ഷങ്ങള്‍ പഴക്കമുള്ള മതില്‍ പൊളിഞ്ഞതോടെയാണ് ചമ്രവട്ടം ഓട്ടോ സ്റ്റാന്റി നടത്തുള്ള പൊതുമരാമത്ത് വകുപ്പിന് കീഴിലുള്ള വര്‍ഷങ്ങളോളം പഴക്കമുള്ള പടുമരത്തിന്റെ പ്രധാന മൂന്ന് വേരുകള്‍ അശാസ്ത്രീയമായി മുറിച്ച് മതില്‍ പുനര്‍നിര്‍മിക്കാനാരംഭിച്ചത് . ഇതോടെ മരം ഏതു നിമിഷവും നിലംപൊതുന്ന സാഹചര്യത്തിലാണ് . തൊട്ടടുത്തുള്ള കെട്ടിടത്തിലേക്കോ ഓട്ടോ സ്റ്റാന്റിലേക്കോ ആണ് മരം വീഴാന്‍ സാധ്യത . ഇതൊന്നും ശ്രദ്ധിക്കാതെയാണ് പൊതുമരാമത്ത് വകുപ്പ് മരത്തിന്റെ വേരുകള്‍ മുറിച്ച്  മതില്‍ പണിയുന്നത് . പൊളിഞ്ഞ മതില്‍ പുനര്‍ നിര്‍മിക്കുമ്പോള്‍ നഗരസഭാ പരിധിയില്‍ നിശ്ചിത അളവില്‍ സ്ഥലം വിട്ടിട്ടാവണം പണിയേണ്ടത് .ഈ നിയമവും കാറ്റില്‍ പറത്തിയാണ് മതില്‍ നിര്‍മിക്കുന്നത് .

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss